February 26, 2024
February 26, 2024
ജറൂസലം: ഫലസ്തീൻ പ്രധാനമന്ത്രി മുഹമ്മദ് ഇഷ്തയ്യ രാജിവെച്ചു. ഗസയിലെ ഇസ്രായേൽ വംശഹത്യയിൽ പ്രതിഷേധിച്ചാണ് പ്രധാനമന്ത്രി രാജിവെച്ചതെന്ന് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്തു. രാജിക്കത്ത് ഫലസ്തീൻ പ്രസിഡന്റ് മഹ്മൂദ് അബ്ബാസിന് കൈമാറിയതായും അദ്ദേഹം വ്യക്തമാക്കി.
''വെസ്റ്റ് ബാങ്കിലേയും ജറൂസലേമിലെയും ഇസ്രായേലിന്റെ അക്രമണങ്ങളുടെ വർധനയും ഗസ മുനമ്പിലെ യുദ്ധവും വംശഹത്യയും പട്ടിണിയും കണക്കിലെടുത്താണ് രാജി.''-രാജിക്കത്ത് സമർപ്പിച്ച ഇഷ്തയ്യ പറഞ്ഞു. വെല്ലുവിളികളെ അതിജീവിച്ച് തീരുമാനമെടുക്കാൻ കഴിവുള്ള പുതിയ സർക്കാർ രൂപീകരിക്കേണ്ട ആവശ്യകതയും അദ്ദേഹം ചൂണ്ടിക്കാട്ടി.
2019 മാർച്ചിൽ നിയമിതനായതിന് ശേഷം ഫലസ്തീൻ അതോറിറ്റിയുടെ (പിഎ) 18-ാമത് ഗവൺമെൻ്റിൻ്റെ തലവനാണ് ഇഷ്തയ്യ.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F