December 18, 2023
December 18, 2023
ഗസ: ഗസയില് ഇസ്രയേല് നടത്തിയ വ്യോമാക്രമണത്തില് ഫലസ്തീന് മാധ്യമപ്രവര്ത്തക ഹനീൻ അൽ കഷ്ത്താൻ കൊല്ലപ്പെട്ടു.ഗസയിലെ നുസൈറാത്ത് അഭയാർത്ഥി ക്യാമ്പിലെ വീടിന് നേരെ ഇസ്രയേല് ഇന്ന് (ഡിസംബർ 18) നടത്തിയ ആക്രമണത്തിലാണ് മരണം സംഭവിച്ചത്. ഇതോടെ 95 മാധ്യമപ്രവര്ത്തകരാണ് ഒക്ടോബര് 7ന് ആരംഭിച്ച ഇസ്രയേല്- ഗസ സംഘര്ഷത്തില് കൊല്ലപ്പെട്ടത്. ഫലസ്തീൻ മീഡിയ ഓഫീസാണ് ഇക്കാര്യം അറിയിച്ചത്.
"ഫലസ്തീനിൽ നടക്കുന്ന കാര്യങ്ങൾ വളച്ചൊടിക്കുക, സത്യം മറയ്ക്കാൻ ശ്രമിക്കുക, പ്രാദേശികവും ആഗോളവുമായ പൊതുജനാഭിപ്രായത്തിലേക്ക് വാർത്തകളും വിവരങ്ങളും എത്തിക്കുന്നത് തടസ്സപ്പെടുത്തുക എന്നീ ലക്ഷ്യങ്ങളോടെയാണ് ഇസ്രായേൽ മാധ്യമപ്രവർത്തകരെ ബോധപൂർവം കൊല്ലുന്നത്" - മീഡിയ ഓഫീസ് പ്രസ്താവനയിൽ പറഞ്ഞു.
അതേസമയം, ഒക്ടോബര് 7ന് ആരംഭിച്ച ഇസ്രയേല് ആക്രമണങ്ങളില് കൊല്ലപ്പെട്ടവരുടെ എണ്ണം 18,800 എത്തി. 51,000 പേർക്ക് പരിക്കേറ്റിട്ടുണ്ട്. ഇസ്രായേലിൽ 695 ആളുകളാണ് കൊല്ലപ്പെട്ടത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F