November 08, 2023
November 08, 2023
ഗസ: ഗസയില് ഇസ്രയേല് നടത്തുന്ന ആക്രമണത്തില് ഒരു മാധ്യമപ്രവര്ത്തകന് കൂടി കൊല്ലപ്പെട്ടു. ഗസ സിറ്റിക്ക് സമീപം ഇസ്രയേല് സൈന്യം നടത്തിയ വ്യോമാക്രമണത്തില് ഫലസ്തീന് മാധ്യമപ്രവര്ത്തകനായ മുഹമ്മദ് അബു ഹസീറയും 42 കുടുംബാംഗങ്ങളും കൊല്ലപ്പെട്ടതായി പ്രദേശിക മാധ്യമങ്ങള് റിപ്പോര്ട്ട് ചെയ്തു. അവശിഷ്ടങ്ങള്ക്കിടയില് നിന്ന് അബു ഹസീറയുടെ മൃതദേഹം കണ്ടെടുത്തതായി ഹമാസ് പ്രസ് സര്വീസ് അറിയിച്ചു. ഞായര്, തിങ്കള് ദിവസങ്ങള്ക്കിടയില് രാത്രി അബു ഹസീറയുടെ വീട് ലക്ഷ്യമാക്കി ഇസ്രയേല് ബോംബാക്രമണം നടത്തിയതായി വഫ വാര്ത്താ ഏജന്സിയും കഴിഞ്ഞദിവസം റിപ്പോര്ട്ട് ചെയ്തിരുന്നു.
അതേസമയം പ്രസ് ഫ്രീഡംസ് ഗ്രൂപ്പ് പുറത്തുവിട്ട കണക്കുകള് പ്രകാരം ഒക്ടോബര് 7 ആരംഭിച്ച ഇസ്രയേല് ആക്രമണങ്ങളില് അബു ഹസീറ ഉള്പ്പെടെ കുറഞ്ഞത് 37 മാധ്യമപ്രവര്ത്തകര് കൊല്ലപ്പെട്ടു. കൊല്ലപ്പെട്ടവരില് 32 പേര് ഫലസ്തീനില് നിന്നുള്ള മാധ്യമപ്രവര്ത്തകരാണ്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F