October 15, 2023
October 15, 2023
ഡല്ഹി: സംഘര്ഷം തുടരുന്ന ഇസ്രയേലില് നിന്ന് ഇന്ത്യക്കാരെ തിരിച്ചെത്തിക്കുന്ന ഓപ്പറേഷന് അജയിയുടെ ഇസ്രയേലില് നിന്നും ഡല്ഹിയില് എത്തിയ 18 മലയാളികളില് 11 പേര് കൂടി നാട്ടില് തിരിച്ചെത്തി. ഇവര്ക്ക് ഡല്ഹിയില് നിന്നുളള വിമാനടിക്കറ്റുകള് നോര്ക്ക റൂട്ട്സ് ലഭ്യമാക്കി. ഓപ്പറേഷന് അജയിയുടെ ഭാഗമായി ഇതുവരെ 58 മലയാളികളാണ് ഇസ്രായേലില് നിന്നും നാട്ടില് തിരിച്ചത്തിയത്.
മടങ്ങിയെത്തുന്നവരില് കൂടുതലും വിദ്യാര്ഥികളാണ്. അതേസമയം ടെല് അവീവില് നിന്ന് ഇന്ത്യക്കാരുമായി നാലാമത്തെ വിമാനവും പുറപ്പെട്ടിട്ടുണ്ട്. വിദേശകാര്യ മന്ത്രാലയത്തിന്റെ കണക്കനുസരിച്ച് ഇരുപതിനായിരത്തോളം ഇന്ത്യക്കാരാണ് ഇസ്രയേലില് ഉള്ളത്. മടങ്ങിവരാന് സന്നദ്ധത അറിയിച്ച ഇന്ത്യക്കാരെയാണ് രക്ഷാ ദൗത്യത്തിലൂടെ തിരിച്ചെത്തിക്കുന്നത്. നിലവിലെ സാഹചര്യത്തില് രക്ഷാദൗത്യം ഒരാഴ്ചയോളം നീണ്ടേക്കും.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU