September 10, 2023
September 10, 2023
ദോഹ: ഖത്തർ ടൂറിസത്തിന്റെ ബ്രാൻഡ് അംബാസഡറായി ഒളിമ്പിക്സ് ചാമ്പ്യൻ മുതാസ് ബർഷിമിനെ പ്രഖ്യാപിച്ചു. ഹൈജമ്പിലൂടെ അഞ്ച് ലോക ചാമ്പ്യൻഷിപ്പ് മെഡലുകൾ നേടിയ ഏക അത്ലറ്റായി അടുത്തിടെ അദ്ദേഹം ലോക റെക്കോർഡ് സ്വന്തമാക്കിയിരുന്നു.
2024 സെപ്റ്റംബർ വരെ ഖത്തർ ടൂറിസത്തിന്റെ അംബാസഡറായി ബർഷിം തുടരുന്നതായിരിക്കും. ഖത്തർ ടൂറിസത്തിന്റെ ബ്രാൻഡ് അംബാസഡറായതിൽ അഭിമാനമുണ്ടെന്നും, തന്നെ ആദ്യ ദിവസം മുതൽ പിന്തുണയ്ക്കുന്നതിന് നന്ദി പ്രകടിപ്പിക്കാനുള്ള അവസരമാണിതെന്നും മുതാസ് ബർഷിം പറഞ്ഞു.
അതേസമയം, വരും മാസങ്ങളിൽ കൂടുതൽ ലോകോത്തര പരിപാടികൾക്കായും ഖത്തർ ടൂറിസം ഒരുങ്ങുന്നുണ്ട്. 2023 ഒക്ടോബറിൽ നടക്കാനിരിക്കുന്ന ജനീവ ഇന്റർനാഷണൽ മോട്ടോർ ഷോ, ഫോർമുല 1 ഖത്തർ എയർവേയ്സ്, എക്സ്പോ 2023 ദോഹ തുടങ്ങിയ പരിപാടികളും, നവംബറിൽ നടക്കാനിരിക്കുന്ന 2023 ഖത്തർ എയർവേയ്സ് ഗ്രാൻഡ് പ്രിക്സും (മോട്ടോജിപി) ആസ്വദിക്കാൻ താമസക്കാരും സന്ദർശകരും ഒരുങ്ങുകയാണ്.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G