November 22, 2023
November 22, 2023
പ്രശസ്ത മലയാള സാഹിത്യകാരി പി. വത്സല അന്തരിച്ചു. 85 വയസായിരുന്നു.
കോഴിക്കോട് മുക്കം കെഎംസിടി മെഡിക്കൽ കോളേജ് ആശുപത്രിയിലായിരുന്നു അന്ത്യം. ഹൃദ്രോഗത്തെ തുടർന്നായിരുന്നു ആശുപത്രിയിൽ പ്രവേശിപ്പിച്ചിരുന്നത്.
കേരള സാഹിത്യ അക്കാദമി അവാർഡ്, എഴുത്തച്ഛൻ പുരസ്‌കാരം, മുട്ടത്തു വർക്കി അവാർഡ്, സി.വി. കുഞ്ഞിരാമൻ സ്മാരക സാഹിത്യ അവാർഡ് തുടങ്ങിയ നിരവധി അവാർഡുകൾ വത്സലയ്ക്ക് ലഭിച്ചിട്ടുണ്ട്.
സാഹിത്യ അക്കാദമിയുടെ ചെയർപേഴ്‌സണായും സാഹിത്യ പ്രവർത്തക സഹകരണ സംഘം ഡയറക്ടർബോർഡ് അംഗമാമായും പ്രവർത്തിച്ചിട്ടുണ്ട്.
1939 ഓഗസ്റ്റ് 28ന് വെള്ളിമുകുന്നിൽ ആയിരുന്നു വത്സലയുടെ ജനനം. കാഞ്ഞിരത്തിങ്കൽ എൽപി സ്കൂൾ, നടക്കാവ് ഗേൾസ് ഹൈസ്കൂൾ എന്നിവിടങ്ങളിൽ വിദ്യാഭ്യാസം.
കോഴിക്കോട് ഗവൺമെന്റ് ട്രെയിനിംഗ് കോളജ് പ്രധാന അധ്യാപികയായിരുന്നു. 1993ലാണ് വിരമിച്ചത്. ജോലിയിൽനന്ന് വിരമിച്ചതിനുശേഷം സാഹിത്യലോകത്ത് കൂടുതൽ സജീവമാകുകയായിരുന്നു.
‘നെല്ല്’ എന്ന നോവലാണ് വത്സലയുടെ ആദ്യ നോവൽ. ഈ നോവൽ സിനിമയാക്കിയിട്ടുണ്ട്. തന്റെ ആദ്യ നോവലിലൂടെ ഏഴോളം പുരസ്കാരങ്ങളും വത്സലയെ തേടിയെത്തിട്ടുണ്ട്.
കുടുംബത്തോടൊപ്പം മുക്കത്തിനടുത്ത് അഗസ്ത്യമുഴിയിൽ വീട്ടിലായിരുന്നു താമസം. ഭർത്താവ്: മാറോളി അപ്പുക്കുട്ടി. മകൾ: എം.എ.മിനി, മകൻ: അരുൺ മാറോളി (അമേരിക്ക). സംസ്ക്കാരം നാളെ.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
