January 10, 2024
January 10, 2024
കോയമ്പത്തൂര്‍: ചലച്ചിത്ര സംവിധായകൻ വിനു അന്തരിച്ചു. 69 വയസായിരുന്നു. കോയമ്പത്തൂരിൽ ആയിരുന്നു അന്ത്യം. പെട്ടെന്നുള്ള അസുഖത്തെ തുടർന്ന് ഇന്നലെയാണ് വിനുവിനെ ആശുപത്രിയിൽ പ്രവേശിപ്പിച്ചത്. സൈക്കോളജിക്കൽ ത്രില്ലർ വിഭാഗത്തിൽ പുതിയ ചിത്രത്തിന്റെ ജോലിയിലായിരുന്നു വിനു എന്നായിരുന്നു റിപ്പോർട്ട്.
സുരേഷ് -വിനു എന്ന കൂട്ടുകെട്ടിലാണ് മലയാളത്തിൽ സിനിമകള്‍ ചെയ്തിരുന്നത്. 1995ല്‍ പുറത്തിറങ്ങിയ മംഗലം വീട്ടില്‍ മാനസേശ്വരി ഗുപ്തയാണ് അദ്ദേഹം സംവിധാനം ചെയ്ത ആദ്യ ചിത്രം. അതേ വര്‍ഷം തന്നെ ജെ പള്ളാശ്ശേരിയുടെ തിരക്കഥയില്‍ കുസൃതിക്കാറ്റ് എന്ന ചിത്രം സംവിധാനം ചെയ്തു. 1998ല്‍ വാസു പിയുടെ തിരക്കഥയില്‍ ആയുഷ്മാന്‍ ഭവ എന്ന ചിത്രം സംവിധാനം ചെയ്തു. 2001ല്‍ പുറത്തിറങ്ങിയ ഭര്‍ത്താവുദ്യോഗമാണ് അവസാനമായി സംവിധാനം ചെയ്ത ചിത്രം.
ഭാര്യ:അനുരാധ രാധാകൃഷ്ണൻ മക്കൾ: മോണിക്ക, നിമിഷ്. സംസ്കാരം നാളെ (വ്യാഴം) രാവിലെ 10.30 ന് കോയമ്പത്തൂരിലെ സിങ്കനല്ലൂർ ശ്മശാനത്തിൽ നടക്കും.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
