November 28, 2023
November 28, 2023
കൊല്ലം: കൊല്ലം ഓയൂരില് നിന്ന് തട്ടിക്കൊണ്ടുപോയ ആറ് വയസ്സുകാരിയെ കണ്ടെത്തി. കൊല്ലം ആശ്രാമം മൈതാനത്തിന് അടുത്തുനിന്ന് ഉപേക്ഷിച്ച നിലയിലാണ് കുട്ടിയെ കിട്ടിയത്. ആശ്രാമം മൈതാനത്ത് കുട്ടിയെ ഉപേക്ഷിച്ച് പ്രതികള് കടന്നുകളയുകയായിരുന്നു. 20 മണിക്കൂറിന് ശേഷമാണ് കുട്ടിയെ കണ്ടെത്തിയത്. കുട്ടിയുടെ ആരോഗ്യനില തൃപ്തികരമാണ്. ആറ് വയസ്സുകാരി അഭികേല് സാറ റെജിയെ കഴിഞ്ഞ ദിവസം വൈകിട്ട് 4.40ഓടെയാണ് തട്ടിക്കൊണ്ടുപ്പോയത്. സഹോദരനൊപ്പം ട്യൂഷന് പോകുന്ന വഴി വീടിന് സമീപത്തുനിന്നാണ് കുട്ടിയെ തട്ടിക്കൊണ്ടുപ്പോയത്. അതേസമയം തട്ടിക്കൊണ്ടുപ്പോയ അജ്ഞാതരെ കുറിച്ച് വിവരങ്ങള് നിലവില് ലഭ്യമായിട്ടില്ല. പ്രതികള്ക്കായുള്ള പോലീസന്റെ അന്വേഷണം പുരോഗമിക്കുകയാണ്.
കുട്ടിയെ കണ്ടെത്താന് ശക്തമായ പരിശോധനയാണ് സംസ്ഥാനമാകെ പോലീസ് നടത്തിയത്. ദേശീയ പാതയിലും മറ്റിടങ്ങളിലും സിസിടിവികളും വാഹനങ്ങളും കേന്ദ്രീകരിച്ചായിരുന്നു പരിശോധന. അന്വേഷണത്തിന് പിന്നാലെ കഴിഞ്ഞദിവസം രാത്രിയോടെ മോചനദ്രവ്യം ആവശ്യപ്പെട്ട് പ്രതികള് കുട്ടിയുടെ അമ്മയെ ഫോണ് വിളിച്ചിരുന്നു. പിന്നാലെ ഇന്ന് പുലര്ച്ചയോടെ പ്രതിയെന്ന് സംശയിക്കുന്ന ആളുടെ രേഖാചിത്രവും പോലീസ് പുറത്തുവിട്ടിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F