February 19, 2024
February 19, 2024
തിരുവനന്തപുരം: തിരുവനന്തപുരം പേട്ടയില് നിന്ന് കാണാതായ രണ്ട് വയസ്സുകാരിയെ കണ്ടെത്തി. ഇന്ത്യന് സമയം ഏഴരയോടെ കൊച്ചുവേളി റെയില്വേ സ്റ്റേഷന് സമീപത്തെ റെയില്വേ ട്രാക്കില് നിന്നാണ് കുട്ടിയെ കണ്ടെത്തിയത്. രഹസ്യ വിവരത്തിന്റെ അടിസ്ഥാനത്തില് നടത്തിയ പരിശോധനയില് ബ്രഹ്മോസിന്റെ പുറക് വശത്തുള്ള റെയില്വേ ട്രാക്കിന് സമീപമുള്ള ഓടയില് നിന്നാണ് കുട്ടിയെ കണ്ടെത്തിയതെന്നാണ് വിവരം. പത്തൊന്പത് മണിക്കൂറിന് ശേഷമാണ് കുട്ടിയെ കണ്ടെത്തിയത്. മെഡിക്കല് പരിശോധനകള്ക്കായി കുട്ടിയെ ആശുപത്രിയിലേക്ക് മാറ്റി.
അതേസമയം കുട്ടി എങ്ങനെ അവിടെയെത്തി എന്നതില് വ്യക്തതയില്ല. വാര്ത്തകള്ക്ക് പിന്നാലെ കുട്ടിയെ ഉപേക്ഷിക്കുകയായിരുന്നോ എന്നും പോലീസ് അന്വേഷിക്കും. ബീഹാര് സ്വദേശികളുടെ മകള് മേരിയെ കഴിഞ്ഞദിവസം രാത്രിയാണ് കാണാതായത്. സിസിടിവി ദൃശ്യങ്ങള് കേന്ദ്രീകരിച്ചും പോലീസ് അന്വേഷണം നടത്തിയിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/IocT7PQnr4MEYpMCPpqwIn
ന്യൂസ്റൂം വാട്സ്ആപ്പ് ചാനലില് ജോയിന് ചെയ്യുക - https://whatsapp.com/channel/0029Va9k1sH3rZZiZHLfLm0F