April 15, 2024
April 15, 2024
ദോഹ: വിദ്യഭ്യാസ, സാമൂഹിക, സാംസ്കാരിക, ആരോഗ്യ മേഖലയിലുൾപ്പടെ സമ്പൂർണ്ണ വനിതാ ശാക്തീകരണം എന്ന പ്രമേയവുമായി കെ.എം.സി.സി. ഖത്തർ സംസ്ഥാന വനിതാ വിങ് 'ഹെർ ഇംപാക്ട് സീസൺ-1' ന് തുടക്കമായി. കെ.എം.സി.സി. ഹാളിൽ നടന്ന ക്യാംപയിൻ കെ.എം.സി.സി. ഖത്തർ സംസ്ഥാന പ്രസിഡന്റ് ഡോ. അബ്ദുൽ സമദ് ഉദ്ഘാടനം ചെയ്തു. വനിതാ വിംഗ് സംസ്ഥാന പ്രസിഡന്റ് സമീറ അബ്ദുൽ നാസർ അദ്ധ്യക്ഷത വഹിച്ചു. വിവിധ ഘടകങ്ങളിൽ നേതൃത്വം വഹിക്കുന്ന ഉപദേശക സമിതി, സംസ്ഥാന, ജില്ലാ ഭാരവാഹികളും വനിതാ വിങ് ഭാരവാഹികളും പങ്കെടുത്തു.
പാതിവഴിയിൽ പഠനം മുടങ്ങിയവർക്ക് വഴി കാട്ടിയാവാനും, തുടർ വിദ്യാഭ്യാസം ആഗ്രഹിക്കുന്നവർക്ക് മാർഗ നിർദേശങ്ങൾ നൽകുന്നതടക്കം വിവിധ പദ്ധതികളാണ് ആറ് മാസം നീണ്ടു നിൽക്കുന്ന 'ഹെർ ഇംപാക്ട്' കാംപയിനിൽ ലക്ഷ്യമാക്കുന്നത്.. കെ.എം.സി.സി. ഖത്തർ സംസ്ഥാന ജനറൽ സെക്രട്ടറി സലീം നാലകത്ത്, അഡ്വൈസറി ബോർഡ് ചെയർമാൻ എം.പി ഷാഫി ഹാജി, വൈസ് ചെയർമാൻ അബ്ദുന്നാസർ നാച്ചി, വനിതാ വിങ് ഉപദേശക സമിതി ചെയർ പേഴ്സൺ മൈമൂന സൈനുദ്ധീൻ തങ്ങൾ തുടങ്ങിയവർ ആശംസകൾ നേർന്നു.
‘സ്ത്രീ ശാക്തീകരണവും സമൂഹത്തിൽ അതുണ്ടാക്കുന്ന ചലനങ്ങളും' എന്ന വിഷയത്തിൽ ദിയാ മുംതാസ്, റോഷ്ന അബ്ദുൽ ജലീൽ എന്നിവർ സംസാരിച്ചു. മാജിദ നസീർ ഖിറാഅത്ത് നിർവഹിച്ചു. വനിതാ വിങ് ജനറൽ സെക്രട്ടറി സലീന കൂളത്ത് സ്വാഗതവും ട്രഷറർ സമീറ അൻവർ നന്ദിയും പറഞ്ഞു. ഭാരവാഹികളായ ഡോ. നിഷ ഫാത്തിമ ശംസുദ്ധീൻ, ഡോ. ബുഷ്റ അൻവർ, മാജിദ നസീർ, ബസ്മ സത്താർ, ഡോ. നിസ്റിൻ മൊയ്തീൻ, ഷഹ്ന റഷീദ്, റൂമിന ഷെമീർ, നസീം ബാനു എന്നിവർ നേതൃത്വം നൽകി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/Iq3CVicSDrS1LvIBvvkToc
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F