January 24, 2024
January 24, 2024
ദോഹ : 2022 ലെ കേരളാ ഫോക്ലോർ അക്കാദമി പുരസ്കാര പ്രഖ്യാപനത്തിൽ ഖത്തറിലെ പ്രവാസിയും 'കനൽ ഖത്തർ' നാടൻ പാട്ട് സംഘത്തിലെ പ്രധാന അംഗവുമായ പി.കെ സുധീർ ബാബുവിന് പുരസ്കാര നേട്ടം.വയനാട് സ്വദേശിയാണ്.2022 ലെ ഫോക്ലോർ അക്കാദമി പുരസ്കാരങ്ങൾ ഇന്ന്(ബുധൻ) ആണ് പ്രഖ്യാപിച്ചത്. ഖത്തറിലെ കലാസാംസ്കാരിക രംഗങ്ങളിലെ പ്രശസ്തരായ നാടൻപാട്ട് സംഘം “കനൽ ഖത്തർ” ന്റെ പ്രധാന പ്രവർത്തകനാണ്.
1996 മുതൽ നാടൻ കലാരംഗത്ത് പ്രവർത്തിച്ചു വരുന്ന സുധീർ ബാബു വയനാട് കല്പറ്റയിലുള്ള 'സൃഷ്ടി മുണ്ടേരി'യിലൂടെയാണ് തന്റെ കലാജീവിതത്തിന് തുടക്കമിട്ടത്. 1996 -97 കാലഘട്ടങ്ങളിൽ സി ജെ കുട്ടപ്പൻ മാഷിന്റെ നാടൻ പാട്ടുകളുടെയും കലാരൂപങ്ങളുടെയും ആദ്യ പ്രസ്ഥാനങ്ങളായ ഡൈനാമിക് ആക്ഷ, തായില്ലം തുടങ്ങിയവയുടെ പരിപാടികൾ വയനാട് ജില്ലയിൽ നടത്തുന്നതിൽ മുഖ്യ പങ്ക് വഹിച്ചു.കേരളാ സംസ്ഥാന യുവജനക്ഷേമ വകുപ്പിന്റെ കേരളോത്സവം പരിപാടികളിൽ ജില്ലാ സംസ്ഥാന മത്സരങ്ങളിൽ നാടൻപാട്ട് , നാടൻനൃത്തം എന്നീ ഇനങ്ങളിൽ പങ്കെടുത്ത് നിരവധി സമ്മാനങ്ങൾ നേടിയിട്ടുണ്ട്.ഖത്തറിലെ പ്രധാന സാമൂഹിക സാംസ്കാരിക സംഘടനയായ സംസ്കൃതി ഖത്തർ " ന്റെ പ്രധാന പ്രവർത്തകനാണ് . സംസ്കൃതിയുടെ നിരവധി വേദികളിൽ നാടൻപാട്ടുകളും നാടൻ കലകളും അവതരിപ്പിക്കുകയും പരിശീലിപ്പിക്കുകയും ചെയ്തിട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/KIGk615xlF1ILlMGxpUXqI
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F