November 12, 2023
November 12, 2023
കൊച്ചി: കളമശ്ശേരിയിൽ യഹോവ സാക്ഷികളുടെ സമ്മേളന സ്ഥലത്ത് നടന്ന സ്ഫോടനത്തിൽ മരണം അഞ്ചായി. മലയാറ്റൂർ സ്വദേശിനി സാലി പ്രദീപാണ് (46) മരിച്ചത്. സ്ഫോടനത്തില് നേരത്തെ മരിച്ച 12 വയസുള്ള ലിബ്നയുടെ അമ്മയാണ് സാലി. ഇതോടെ മരിച്ചവരുടെ എണ്ണം അഞ്ചായി. ഇന്നലെ (ശനിയാഴ്ച്ച) രാത്രി 10.20ഓടെയാണ് മരണം സംഭവിച്ചത്. സാലിയുടെ മറ്റു രണ്ടു മക്കളായ രാഹുലും പ്രവീണും ആശുപത്രിയിൽ ചികിത്സയിൽ തുടരുകയാണ്. സാലിയുടെ സംസ്കാരം നാളെ നടക്കും.
സ്ഫോടനത്തില് മരിച്ച അഞ്ചു പേരും സ്ത്രീകളാണ്. കളമശ്ശേരി സ്വദേശി മോളി ജോയ് (61), പെരുമ്പാവൂര് സ്വദേശി ലിയോണ പൗലോസ് (55), തൊടുപുഴ വണ്ണപ്പുറം സ്വദേശി കുമാരി (52), മലയാറ്റൂര് സ്വദേശി ലിബിന (12) എന്നിവരാണ് നേരത്തെ മരിച്ചത്.
അതേസമയം, പൊലീസ് കസ്റ്റഡിയിലുള്ള കളമശ്ശേരി സ്ഫോടന കേസിലെ പ്രതി ഡൊമിനിക് മാർട്ടിനുമായി അന്വേഷണ സംഘം ഇന്നും തെളിവെടുപ്പ് നടത്തും. സ്ഫോടനത്തിന് ഉപയോഗിച്ച പെട്രോൾ വാങ്ങിയ പമ്പിലും തമ്മനത്തെ വീട്ടിലുമാണ് ഇനി തെളിവെടുക്കാനുള്ളത്. ഇന്നലെ തൃശൂര് കൊരട്ടിയിലെത്തിച്ച് നടത്തിയ തെളിവെടുപ്പില് സ്ഫോടനത്തിന് ഉപയോഗിച്ച റിമോട്ടുകള് പൊലീസ് കണ്ടെടുത്തിരുന്നു. നാല് ദിവസം കൂടി കസ്റ്റഡി കാലാവധി ഉള്ളതിനാൽ കേസിൽ പരമാവധി തെളിവ് ശേഖരിക്കുകയാണ് പൊലീസ് ലക്ഷ്യമിടുന്നത്. ഈ മാസം 15 നാണ് ഡൊമിനിക് മാര്ട്ടിനെ വീണ്ടും കോടതിയില് ഹാജരാക്കേണ്ടത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F