October 31, 2023
October 31, 2023
ജെറുസലേം: ഗസയില്‍ ബന്ദിയാക്കിയ ഇസ്രായേല്‍ സൈനികയെ മോചിപ്പിച്ചതായി ഇസ്രായേൽ സൈന്യം അറിയിച്ചു. ഒക്‌ടോബര്‍ ഏഴിന് ഹമാസ് തട്ടിക്കൊണ്ടുപോയ ഒറി മെഗദിഷ് എന്ന സൈനികയെയാണ് ഇന്നലെ (തിങ്കളാഴ്ച്ച) രാത്രി മോചിപ്പിച്ചതെന്ന് സൈന്യം പ്രസ്താവനയില്‍ പറഞ്ഞു. വൈദ്യപരിശോധന നടത്തിയെന്നും സുഖമായിരിക്കുന്നുവെന്നും പ്രസ്താവനയില്‍ വ്യക്തമാക്കി.
הלילה שוחררה החיילת טור׳ אורי מגידיש, במהלך פעולה קרקעית, לאחר שנחטפה על ידי ארגון הטרור חמאס ב-7/10.
— צבא ההגנה לישראל (@idfonline) October 30, 2023
החיילת נבדקה רפואית, מצבה טוב והיא נפגשה עם משפחתה.
צה״ל ושב״כ ימשיכו לעשות כל מאמץ על מנת להביא לשחרור החטופים pic.twitter.com/0XYlgFNITk
പ്രധാനമന്ത്രി ബെഞ്ചമിന്‍ നെതന്യാഹുവിന്റെ ഓഫീസ് മെഗിദിഷിന്റെ ഒരു ഫോട്ടോയും പുറത്തുവിട്ടു. കുടുംബാംഗങ്ങള്‍ക്കൊപ്പമുള്ള ഫോട്ടോയാണ് പുറത്തുവിട്ടത്. എന്നാൽ, പ്രസ്താവനയിൽ സൈനികയെ എങ്ങനെ അല്ലെങ്കിൽ എപ്പോൾ രക്ഷപ്പെടുത്തി എന്നതിനെക്കുറിച്ചുള്ള വിശദാംശങ്ങളൊന്നും നൽകിയിട്ടില്ല.
അതേസമയം, ഖത്തറിന്റെയും ഈജിപ്തിന്റെയും നയതന്ത്ര ശ്രമങ്ങൾക്ക് പിന്നാലെ ഫലസ്തീനിൽ ബന്ദികളാക്കിയ രണ്ട് തടവുകാരെ കൂടി ഹമാസ് മോചിപ്പിച്ചിരുന്നു. മനുഷ്യത്വപരമായ കാരണങ്ങളാലാണ് രണ്ട് പേരെയും മോചിപ്പിച്ചതെന്ന് ഹമാസ് സായുധ വിഭാഗം വക്താവ് അബു ഉബൈദ വ്യക്തമാക്കി. ഇസ്രായേലി വനിതകളായ നൂരിത് യിത്‌സാക്ക്, യോചെവേദ് ലിഫ്ഷിറ്റ്‌സ് എന്നിവരെയാണ് മോചിപ്പിച്ചത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
