November 18, 2023
November 18, 2023
ഗസ: ഗസയിലെ ഖാൻ യൂനിസിന്റെ ചില പ്രദേശങ്ങളിൽ നിന്ന് താമസക്കാരെ ഒഴിപ്പിക്കാൻ ഉത്തരവിട്ട് കൊണ്ടുള്ള ലഘുലേഖകൾ ഇസ്രായേൽ സൈന്യം വിതരണം ചെയ്തതായി റിപ്പോർട്ട്. അൽ-ജസീറയാണ് ഈ കാര്യം റിപ്പോർട്ട് ചെയ്തത്. തെക്കൻ ഗസയിലെ ഏറ്റവും വലിയ നഗരമായ കിഴക്കൻ ഖാൻ യൂനിസിലെ ഖുസ, അബാസൻ, ബാനി സുഹൈല, അൽ ഖരാറ എന്നിവിടങ്ങളിലെ താമസക്കാർക്കാണ് മുന്നറിയിപ്പ് നൽകിയത്.
ഇസ്രായേലി വിമാനങ്ങൾ ആയിരക്കണക്കിന് ലഘുലേഖകൾ ഉപേക്ഷിച്ച് തങ്ങൾക്ക് പോകണമെന്ന് മുന്നറിയിപ്പ് നൽകിയെന്ന് താമസക്കാർ പറഞ്ഞതായും റിപ്പോർട്ടുണ്ട്.
“നിങ്ങളുടെ സുരക്ഷയ്ക്കായി, നിങ്ങളുടെ താമസസ്ഥലത്ത് നിന്ന് ഉടൻ ഒഴിയണം. നിങ്ങൾ അറിയപ്പെടുന്ന ഷെൽട്ടറുകളിലേക്ക് പോകുകയും വേണം. ശത്രുക്കളുടെയോഅവരുടെ സൗകര്യങ്ങൾക്കോ സമീപമുള്ളവരുടെ ജീവൻ അപകടത്തിലാണ്, ശത്രുക്കൾ ഉപയോഗിക്കുന്ന എല്ലാ വീടുകളും ഞങ്ങൾ ലക്ഷ്യമിടുന്നുണ്ട്,” ലഘുലേഖകളിൽ പറയുന്നു. എന്നാൽ, ലഘുലേഖകളെക്കുറിച്ച് ഇസ്രായേൽ സൈന്യത്തിൽ നിന്ന് പ്രതികരണമൊന്നും ഉണ്ടായിട്ടില്ല.
അതേസമയം, ഗസ മുനമ്പിൽ തങ്ങളുടെ നെറ്റ്വർക്ക് സേവനം നിർത്തിയതായി ഫലസ്തീൻ ടെലികമ്മ്യൂണിക്കേഷൻ കമ്പനികളായ ജവ്വലും പാൽടെലും അറിയിച്ചു. വാർത്താവിനിമയ ബന്ധം നിലച്ചതോടെ ഗസയിൽ നിന്നുള്ള ആശയവിനിമയം പൂർണമായും തകർന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F