November 30, 2023
November 30, 2023
തെൽ അവീവ്: ഗസ മുനമ്പിൽ കരയാക്രമണം തുടരാനുള്ള പദ്ധതികൾക്ക് ഇസ്രായേൽ സൈനിക മേധാവി ഹെർസി ഹലേവി അംഗീകാരം നൽകിയതായി അനഡോലു ഏജൻസി റിപ്പോർട്ട് ചെയ്തു.
“യുദ്ധത്തിന്റെ തുടർന്നുള്ള ഘട്ടങ്ങൾക്കുള്ള പദ്ധതികൾ അംഗീകരിക്കുന്നതിന് സതേൺ കമാൻഡ് ആസ്ഥാനത്ത് ചീഫ് ഓഫ് സ്റ്റാഫ് ഹെർസി ഹലേവി ഇന്നലെ (ബുധനാഴ്ച) ഒരു സെഷൻ നടത്തി. എന്താണ് ചെയ്യേണ്ടതെന്ന് ഞങ്ങൾക്കറിയാം, അടുത്ത ഘട്ടത്തിന് ഞങ്ങൾ തയ്യാറാണ് ,” ഇസ്രായേൽ സൈന്യം പ്രസ്താവനയിൽ പറഞ്ഞു.
“ആകാശത്തും കരയിലും കടലിലുമുള്ള സൈന്യം ഗസയിൽ ഉടൻ യുദ്ധം പുനരാരംഭിക്കാൻ തയ്യാറാണ്.” ഇസ്രായേൽ പ്രതിരോധ മന്ത്രി യോവ് ഗാലന്റ് പറഞ്ഞതായി പ്രാദേശിക ദിനപത്രമായ യെദിയോത്ത് അഹ്റോനോത്ത് റിപ്പോർട്ട് ചെയ്തു.
അതേസമയം, ഖത്തറിന്റെ മധ്യസ്ഥതയിൽ നടന്ന തുടർച്ചയായ ചർച്ചകൾക്കൊടുവിൽ ഒരു ദിവസം കൂടി വെടിനിർത്തൽ നീട്ടി. എന്നാൽ, ഇസ്രയേൽ ആക്രമണം മൂലം 80 ശതമാനം ഗസനിവാസികളും വീടുപേക്ഷിച്ചുപോയെന്നും 45 ശതമാനം വീടുകൾ ബോംബാക്രമണങ്ങളിൽ തകർന്നെന്നും ഐക്യരാഷ്ട്രസംഘടന സെക്രട്ടറി ജനറൽ അന്റോണിയോ ഗുട്ടെറസ് രക്ഷാസമിതിയിൽ പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F