October 29, 2023
October 29, 2023
ഗസ: ഒക്ടോബര് 7ന് ആരംഭിച്ച ആക്രമണം ഗസയില് ഇപ്പോഴും തുടരുകയാണ്. അടുത്ത നിമിഷം ജീവനോടെ ഉണ്ടാകുമോ എന്ന ഉറപ്പില്ലാതെയാണ് ഗസയിലെ ജനങ്ങള് ഓരോ ദിവസവും കഴിച്ചുകൂട്ടുന്നത്. ഇസ്രയേല് ആക്രമണങ്ങളില് കൊല്ലപ്പെടുന്ന തങ്ങളുടെ മക്കളെ തിരിച്ചറിയാന് അവരുടെ ശരീരത്തില് പേരെഴുതുകയാണ് ഗസയിലെ അച്ഛനമ്മമാര്. അക്കങ്ങളിലൂടെയല്ല, ഇസ്രയേല് ആക്രമണങ്ങളില് കൊല്ലപ്പെടുന്ന കുട്ടികള് അവരുടെ പേരുകളിലൂടെ അറിയപ്പെടണം എന്ന് ഗസ ജനത പറയുന്നു. കുട്ടികളുടെ കൈകളിലോ കാലുകളിലോ അവരുടെ പേരെഴുതിയാല് കൂട്ടമായുള്ള കുഴിമാടങ്ങളില് അടക്കം ചെയ്യാതെ അവര്ക്കായി പേരെഴുതിയ കുഴിമാടങ്ങള് തയ്യാറാക്കാമെന്നും അവര് പറയുന്നു.
കഴിഞ്ഞ മൂന്നാഴ്ചയായി ഗസയില് തുടരുന്ന ഇസ്രയേല് ആക്രമണത്തില് 8000 ലധികം ഫലസ്തീനികള് കൊല്ലപ്പെട്ടതായാണ് വിവരം. അതില് മൂവായിരത്തോളം കുട്ടികളാണെന്നാണ് റിപ്പോര്ട്ട്. വ്യോമാക്രമണങ്ങള്ക്ക് ശേഷം കണ്ടെടുക്കുന്ന ശരീരാവശിഷ്ടങ്ങളില് നിന്ന് ആളെ തിരിച്ചറിയാന് കുടുംബാംഗങ്ങള്ക്ക് പോലും കഴിയാത്ത അവസ്ഥയാണ്. ഇനിയും തിരിച്ചറിയാത്ത ഇരുനൂറിലധികം മൃതദേഹങ്ങള് ഗസയിലുണ്ടെന്ന് ആരോഗ്യമന്ത്രാലയത്തിന്റെ കണക്കുകളും വ്യക്തമാക്കുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F