October 16, 2023
October 16, 2023
ദോഹ: സംഘര്ഷം തുടരുന്ന ഗസയില് ഇസ്രയേല് വെടിനിര്ത്തലിന് തയ്യാറാകണമെന്ന് ഖത്തര് ആവശ്യപ്പെട്ടു. ഗസയ്ക്ക് സമ്പൂര്ണ ശിക്ഷ എന്ന ഇസ്രയേലിന്റെ നയങ്ങളെ അംഗീകരിക്കാനാവില്ലെന്നും ഖത്തര് പ്രധാനമന്ത്രി വ്യക്തമാക്കി. ഔദ്യോഗിക സന്ദര്ശനത്തിനായി ദോഹയില് എത്തിയ യുഎസ് സ്റ്റേറ്റ് സെക്രട്ടറി ആന്റണി ബ്ലിങ്കനുമായി ചേര്ന്ന് നടത്തിയ വാര്ത്താസമ്മേളനത്തിലാണ് ഖത്തര് പ്രധാനമന്ത്രി ഇക്കാര്യം വ്യക്തമാക്കിയത്.
ഫലസ്തീനിലെ ജനങ്ങള്ക്ക് സംരക്ഷണം നല്കണമെന്നും ഖത്തര് ആവര്ത്തിച്ചു. ഗസയില് ബന്ദികളാക്കിയവരെ മോചിപ്പിക്കുക, സംഘര്ഷം പശ്ചിമേഷ്യയിലെ മറ്റിടങ്ങളിലേക്ക് വ്യാപിക്കുന്നത് ഒഴിവാക്കുക എന്നീ കാര്യങ്ങളിലാണ് ഖത്തര് പ്രധാന പരിഗണന നല്കുന്നതെന്നും പ്രധാനമന്ത്രി പറഞ്ഞു. സാധാരണക്കാരെ ലക്ഷ്യമിട്ടുള്ള എല്ലാത്തരം ആക്രമണങ്ങളേയും അദ്ദേഹം അപലപിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU