October 11, 2023
October 11, 2023
ദോഹ: ഇസ്രയേല്- ഫലസ്തീന് അതിര്ത്തി പ്രദേശമായ ഗസയില് നടക്കുന്ന സംഘര്ഷം ഇല്ലാതാക്കാന് സമാധാന ശ്രമവുമായി ഖത്തര്. സംഘര്ഷം ഉടനടി ഒഴിവാക്കുന്നതിന് പ്രദേശിക, അന്തര്ദേശീയ നേതാക്കളുമായി ഖത്തര് നിരന്തരം ആശയവിനിമയം നടത്തുന്നുണ്ടെന്ന് പ്രധാനമന്ത്രിയുടേയും വിദേശകാര്യ മന്ത്രിയുടേയും ഔദ്യോഗിക ഉപദേഷ്ടാവ് ഡോ. മജീദ് ബിന് അന്സാരി വ്യക്തമാക്കി. നിലവിലെ സാഹചര്യങ്ങള് മനസിലാക്കി സംഘര്ഷം അവസാനിപ്പിക്കാനുള്ള ശ്രമങ്ങള് നടത്തുണ്ടെന്നും അദ്ദേഹം പറഞ്ഞു.
സംഘര്ഷവുമായി ബന്ധപ്പെട്ട് ലോക നേതാക്കളുമായി ഖത്തര് നടത്തിയ ചര്ച്ചകളും അദ്ദേഹം പരാമര്ശിച്ചു. വിഷയത്തില് പ്രധാനമന്ത്രിയും വിദേശകാര്യ മന്ത്രിയുമായ ഷെയ്ഖ് മുഹമ്മദ് ബിന് അബ്ദുള് റഹ്മാന് ബിന് ജാസിം അല്താനി സൗദി അറേബ്യ, യുഎഇ, ജോര്ദാന്, ഈജിപ്ത്, സ്പെയ്ന്, തുര്ക്കി, ഇറാന്, യുഎസ് എന്നീ രാജ്യങ്ങളിലെ വിദേശകാര്യ മന്ത്രിമാരുമായി സംസാരിച്ചിരുന്നു. അതേസമയം ഇരു രാജ്യങ്ങളുമായുള്ള സംഘര്ഷങ്ങളില് ഖത്തര് മധ്യസ്ഥത വഹിച്ചിട്ടുണ്ടെങ്കിലും നിലവിലെ സാഹചര്യം കൂടുതല് പ്രയാസമാണെന്നും അദ്ദേഹം വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV