October 22, 2023
October 22, 2023
ദോഹ: ഗസ്സയില് ഇസ്രായേല് നടത്തിയ ആക്രമണത്തില് ഫലസ്തീന് കവയത്രി ഹിബ അബു നദ(32) കൊല്ലപ്പെട്ടു.കഴിഞ്ഞ ദിവസം ഗസ്സയിലെ ഖാന് യൂനിസില് ഇസ്രായേല് നടത്തിയ ആക്രമണത്തിലാണ് ഹിബ കൊല്ലപ്പെട്ടത്. ഓക്സിജന് ഈസ് നോട്ട് ഫോര് ദ ഡൈഡ് എന്ന നോവലിന് ഹിബയ്ക്ക് ഷാര്ജ അവാര്ഡ് ലഭിച്ചിട്ടുണ്ട്.
ഏതാനും ദിവങ്ങൾക്ക് മുമ്പ് മരണം മുന്നില്ക്കണ്ട് ഹിബ കുറിച്ച വരികള് അറബ് സോഷ്യല് മീഡിയയില് വൈറലായിക്കൊണ്ടിരിക്കുകയാണ്.
''ഞങ്ങളിപ്പോള് ഏഴാനാകാശത്താണ്. അവിടെയൊരു പുതിയ നഗരം പണിയുകയാണ്. രോഗികളുടെ നിലവിളികളും രക്തം പുതഞ്ഞ ഉടുപ്പുമില്ലാത്ത ഡോക്ടര്മാര്. കുട്ടികളോട് ദേഷ്യപ്പെടാത്ത അധ്യാപകര്, ദുഖവും വേദനയുമില്ലാത്ത കുടുംബങ്ങള്.
സ്വര്ഗം കാമറയില് പകര്ത്തുന്ന റിപ്പോര്ട്ടര്മാര്. അനശ്വര പ്രണയത്തെ കുറിച്ച് പാടുന്ന കവികള്, എല്ലാവരും ഗാസയില് നിന്നുള്ളവരാണ്.അവരെല്ലാവരും, സ്വര്ഗത്തില് പുതിയൊരു ഗാസ രൂപം കൊണ്ടിരിക്കുന്നു. ഉപരോധങ്ങളില്ലാത്ത ഗാസ''
പ്രശസ്ത ഫലസ്തീൻ ഗായികയും ന്യൂറോ സയന്റിസ്റ്റുമായ ദലാൽ അബു അംനെയെ ഏതാനും ദിവസങ്ങൾക്ക് മുമ്പ് ഇസ്രായേലി പൊലീസ് അറസ്റ്റ് ചെയ്തിരുന്നു.
സമൂഹമാധ്യമത്തിൽ പോസ്റ്റിട്ടെന്ന കുറ്റം ചുമത്തിയാണ് ഇസ്രായേലിലെ നസ്രത്തിലെ വീട്ടിൽ നിന്ന് അംനെയെ അറസ്റ്റ് ചെയ്തതെന്ന് ഫലസ്തീൻ മീഡിയ റിപ്പോർട്ട് ചെയ്തു. ‘ദൈവമല്ലാതെ വിജയിയില്ല’ എന്ന് അർഥം വരുന്ന അറബി വാചകമാണ് അംനെ പോസ്റ്റ് ചെയ്തത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F