October 24, 2023
October 24, 2023
വാഷിംഗ്ടൺ: ഇസ്രായേൽ-ഫലസ്തീൻ സംഘർഷത്തിൽ ഇസ്രായേലിന് മുന്നറിയിപ്പുമായി മുന് അമേരിക്കന് പ്രസിഡന്റ് ബരാക് ഒബാമ. ഫലസ്തീനികളുടെ ദുരവസ്ഥയെ അവഗണിക്കുന്നതിനെതിരെ ഇസ്രായേലിനും യുഎസിനും ഒബാമ മുന്നറിയിപ്പ് നൽകി. എന്നാൽ, ഇസ്രായേലിന്റെ "സ്വയം പ്രതിരോധിക്കാനുള്ള അവകാശത്തെ" ഒബാമ പിന്തുണച്ചു.
ഗസയിലെ ഇസ്രായേലിന്റെ പ്രവർത്തനങ്ങളെ പിന്തുണയ്ക്കുന്ന ബൈഡൻ ഭരണകൂടത്തിന്റെ നിലവിലെ നിലപാടിൽ നിന്ന് അകന്നു പോകുന്നില്ലെന്നും, പക്ഷേ ചില സുപ്രധാന വ്യത്യാസങ്ങൾ ഉണ്ടാകുന്നുണ്ടെന്നും ഒബാമ പ്രസ്താവനയിൽ പറഞ്ഞു.
2001 സെപ്റ്റംബർ 11ന് വാഷിംഗ്ടൺ ചെയ്ത അതേ തെറ്റുകൾ ആവർത്തിക്കരുതെന്നും ഒബാമ ഇസ്രായേലിന് മുന്നറിയിപ്പ് നൽകി.
സംഘര്ഷത്തില് ഗസ്സയിലെ ജനങ്ങള്ക്ക് ശുദ്ധജലവും ഭക്ഷണവും നിഷേധിക്കുന്നതു പോലുള്ള നടപടികള് ഇസ്രായേലിന് തന്നെ തിരിച്ചടിയാകുമെന്നും ഒബാമ പറഞ്ഞു. ഇത്തരം നടപടികള് ഫലസ്തീനിലെ ജനങ്ങളുടെ വിരോധം ഭാവി തലമുറകളിലും ശക്തമായിത്തന്നെ നിലനിര്ത്തുന്നതിന് ഇടയാക്കുമെന്ന് ഒബാമ ചൂണ്ടിക്കാട്ടി.
കൂടാതെ, ചില രാജ്യങ്ങളില് നിന്നും ഇസ്രായേലിന് ലഭിക്കുന്ന പിന്തുണ നഷ്ടപ്പെടാൻ ഇതു കാരണമാകുമെന്ന് ഒബാമ പറഞ്ഞു. ഈ മേഖലയില് സമാധാനവും സ്ഥിരതയും തിരികെ കൊണ്ടുവരാനുള്ള ദീര്ഘകാല ശ്രമങ്ങള് വഴിതെറ്റാനും ഈ നടപടികള് ഇടയാക്കുമെന്നും അദ്ദേഹം വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F