November 04, 2023
November 04, 2023
ഗസ: ഗസ മുനമ്പിലെ അൽ-ഷിഫ ആശുപത്രിക്ക് സമീപം ആംബുലൻസുകൾക്ക് നേരെ ഇസ്രായേൽ നടത്തിയ വ്യോമാക്രമണത്തിൽ 15 പേർ കൊല്ലപ്പെട്ടതായി ഗസ ആരോഗ്യ മന്ത്രാലയം അറിയിച്ചു. 60 പേർക്ക് പരിക്കേറ്റതായാണ് റിപ്പോർട്ട്. ഗുരുതരമായി പരിക്കേറ്റ രോഗികളെ അൽ-ഷിഫ ആശുപത്രിയിൽ നിന്ന് റഫ അതിർത്തിയിലേക്ക് കൊണ്ടുപോകുന്ന ആംബുലൻസുകൾക്ക് നേരെയാണ് ഇസ്രായേൽ വ്യോമാക്രമണം നടത്തിയതെന്ന് ആരോഗ്യ മന്ത്രാലയ വക്താവ് അഷ്‌റഫ് അൽ ഖുദ്ര പറഞ്ഞു.
ആക്രമണത്തിൽ ആരോഗ്യപ്രവർത്തകനായ ഷാദി അൽ-തായിഫിന് കാലിന് ചെറിയ മുറിവേറ്റതായും, ആംബുലൻസ് ഡ്രൈവർ അഹ്മദ് അൽ മധൂണിന് നെഞ്ചിൽ ചതവ് സംഭവിച്ചതായും ഫലസ്തീൻ റെഡ് ക്രസന്റ് പ്രസ്താവനയിൽ വ്യക്തമാക്കി.
കൂടാതെ ആക്രമണം നടത്തിയതായി ഇസ്രായേൽ സൈന്യം സ്ഥിരീകരിച്ചിട്ടുണ്ട്. പോരാളികളെയും ആയുധങ്ങളും കൊണ്ടുപോകാൻ ഹമാസ് ആംബുലൻസുകൾ ഉപയോഗിക്കുന്നുണ്ടെന്നും ഇസ്രായേൽ ആരോപിച്ചു.
അതേസമയം, ആക്രമണത്തിൽ ഗാസയിലുടനീളമുള്ള കുറഞ്ഞത് 16 ആശുപത്രികളെങ്കിലും പ്രവർത്തനക്ഷമമായതായി ആരോഗ്യ മന്ത്രാലയം അറിയിച്ചു. ഒക്‌ടോബർ 7 ന് ശേഷം, ഇസ്രായേൽ നടത്തിയ ആക്രമണത്തിൽ ഇതുവരെ ഗസയിൽ 9,200-ലധികം ആളുകൾ കൊല്ലപ്പെടുകയും 23,500 പേർക്ക് പരിക്കേൽക്കുകയും ചെയ്തതായി ഫലസ്തീൻ അധികൃതർ അറിയിച്ചു. ഇസ്രായേലിൽ 1,400-ലധികം ആളുകൾ കൊല്ലപ്പെട്ടതായാണ് വിവരം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
