October 07, 2023
October 07, 2023
ഗസ: ഇസ്രയേല്‍- ഫലസ്തീന്‍ സംഘര്‍ഷം ഉടനടി അവസാനിപ്പിക്കണമെന്ന് ആവശ്യപ്പെട്ട് അറബ് രാജ്യങ്ങള്‍. യു.എ.ഇ, സൗദി, ഒമാന്‍ എന്നീ രാജ്യങ്ങള്‍ ഇസ്രയേല്‍-ഫലസ്തീന്‍ സംഘര്‍ഷത്തില്‍ പ്രതികരിച്ച് രംഗത്തെത്തി.
സംഘര്‍ഷം ഉടനടി അവസാനിപ്പിക്കണം. ഇരു മേഖലകളിലും അക്രമം വര്‍ധിക്കാന്‍ കാരണമായ സംഭവവികാസങ്ങള്‍ സൂക്ഷ്മമായി നിരീക്ഷിച്ചു വരികയാണെന്നും അറബ് രാജ്യങ്ങള്‍ അറിയിച്ചു. ഇസ്രയേലിന്റെ തുടര്‍ച്ചയായ അധിനിവേശം, ഫലസ്തീന്‍ ജനതയുടെ അവകാശങ്ങള്‍ നിഷേധിക്കല്‍, വിശുദ്ധ സ്ഥലങ്ങളിലേക്കുള്ള അനധികൃത ഇടപെടല്‍ മൂലമുണ്ടാകുന്ന അപകടസാധ്യതകളും അധികൃതര്‍ എടുത്തുകാട്ടി. സമാധാനത്തിനും സിവിലിയന്‍ സുരക്ഷയ്ക്കും വേണ്ടി ഇടപെടല്‍ നടത്തണമെന്നും അന്താരാഷ്ട്ര സമൂഹത്തോട് മന്ത്രാലയങ്ങള്‍ അഭ്യര്‍ത്ഥിച്ചു.
അതേസമയം, ഇസ്രയേല്‍-ഗസ സംഘര്‍ഷത്തില്‍ ഖത്തറും അഗാധമായ ഉത്കണ്ഠ രേഖപ്പെടുത്തിയിട്ടുണ്ട്. സംഘര്‍ഷം അവസാനിപ്പിക്കാനും സമാധാനം പുനഃസ്ഥാപിക്കാനുള്ള നടപടികള്‍ സ്വീകരിക്കാണമെന്നും, പരാമാവധി സംയമനം പാലിക്കണമെന്നും ഇരു കക്ഷികളോടും ഖത്തര്‍ ആവശ്യപ്പെട്ടു.
ന്യൂസ്റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/FSQLmJGMow51SCIIBEEcWV
