October 21, 2023
October 21, 2023
ടെല് അവീവ്- ഗസയിലെ ക്രൈസ്തവ ദേവലായത്തിന് നേരെയും ജനവാസ കേന്ദ്രങ്ങള്ക്ക് നേരെയും ഇസ്രയേലിന്റെ ബോംബ് ആക്രമണം. ഗസയിലെ അല്-സെയ്ടൂണിലെ ഗ്രീക്ക് ഓര്ത്തഡോക്സ് പള്ളിക്ക് നേരെയാണ് ഇസ്രായേൽ ആക്രമണം നടത്തിയത്. ക്രൈസ്തവ വിശ്വാസികള്ക്ക് പുറമേ, അഭയാര്ത്ഥികളായി നിരവധി മുസ്ലിമുകളും പള്ളിക്കകത്ത് ഉണ്ടായിരുന്നു.
ആക്രമണത്തിൽ പള്ളിയില് അഭയം തേടിയ നിരവധി പേര് കൊല്ലപ്പെട്ടതായി ഫലസ്തീന് ആഭ്യന്തര മന്ത്രാലയം അറിയിച്ചു. എത്ര പേര് കൊല്ലപ്പെട്ടെന്ന കൃത്യമായ കണക്ക് ഇപ്പോള് പറയാനാവില്ലെന്നും, ചിലര് ഇപ്പോഴും കെട്ടിട അവശിഷ്ടങ്ങള്ക്കടിയില് കുടുങ്ങിക്കിടക്കുകയാണെന്നും ഫലസ്തീൻ ഉദ്യോഗസ്ഥനെ ഉദ്ധരിച്ച് വാര്ത്താ ഏജന്സിയായ അസോസിയേറ്റഡ് പ്രസ് റിപ്പോര്ട്ട് ചെയ്തു.
അതേസമയം, ഫലസ്തീനിലെ കമാന്ഡ് ആന്ഡ് കണ്ട്രോള് സെന്ററിന് നേരെയായിരുന്നു ആക്രമണം ലക്ഷ്യമിട്ടത് എന്നാണ് ഇസ്രയേല് സൈന്യത്തിന്റെ പ്രതികരണം.
കഴിഞ്ഞ 13 ദിവസമായി ജനവാസ കേന്ദ്രങ്ങളില് ഇസ്രയേല് നടത്തുന്ന വ്യോമാക്രമണത്തില് എല്ലാം നഷ്ടമായ നിരപരാധികളെ, പ്രത്യേകിച്ച് കുട്ടികളെയും സ്ത്രീകളെയും സംരക്ഷിക്കാനാണ് പള്ളി ശ്രമിച്ചത്. ഈ നടന്നത് യുദ്ധക്കുറ്റമാണെന്നും ആക്രമണത്തെക്കുറിച്ച് പള്ളിയിലെ വൈദികര് പറഞ്ഞു.
അതേസമയം, അല് നാബിയിലെ ജനവാസ കേന്ദ്രത്തിലും ഇശ്രയേല് ഷെല് ആക്രമണം നടത്തി. നിരവധി പേര്ക്ക് പരിക്കേറ്റിട്ടുണ്ട്. കൂടാതെ, ഗസയിലെ ജബലിയ അഭയാര്ഥി ക്യാമ്പിന് നേരെ ഇസ്രായില് നടത്തിയ വ്യോമാക്രമണത്തില് 18 ഫലസ്തീനികൾ കൊല്ലപ്പെട്ടു. നിരവധി ആളുകള്ക്ക് പരിക്കേറ്റതായും ഫലസ്തീന് ആഭ്യന്തര മന്ത്രാലയം ടെലഗ്രാം സന്ദേശത്തിൽ വ്യക്തമാക്കി.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F