October 11, 2023
October 11, 2023
ഗസ: ഇസ്രായേൽ നടത്തിയ ബോംബാക്രമണത്തിൽ ഗാസയിലെ ഖത്തർ എജ്യുക്കേഷൻ എബവ് ഓൾ (ഇഎഎ) ഫൗണ്ടേഷന്റെ അൽ ഫഖൂറ ഹൗസ് തകർന്നതായി അധികൃതർ അറിയിച്ചു.
“അൽ റിമാലിന്റെ തെക്കൻ ഭാഗത്തുള്ള ഇഎഎയുടെ അൽ ഫഖൂറ ഹൗസ് ഇസ്രായേലിന്റെ ബോംബാക്രമണത്തിൽ തകർന്നു. ഗാസയിലെ വിദ്യാർത്ഥികൾക്കും കുടുംബങ്ങൾക്കും സുരക്ഷിതമായ ഇടമായിരുന്നു അൽ ഫഖൂറ ഹൗസ്,” എന്നും ഇഎഎ എക്സ് (ട്വിറ്റർ) അക്കൗണ്ടിൽ അറിയിച്ചു.
.@EAA_Foundation is deeply saddened by today's destruction of our Al Fakhoora House in Gaza.
— Education Above All Foundation (@EAA_Foundation) October 10, 2023
A beacon of hope since 2010, it has empowered Palestinian youth w/ education against adversity.
Education must be protected at all costs. #UniteToProtect – education is a human right!
2009ൽ സ്ഥാപിച്ച അൽ ഫഖൂറ, ജബലിയ അഭയാർത്ഥി ക്യാമ്പിലെ ഒരു സ്കൂളിന്റെ പേരിലാണ് അറിയപ്പെടുന്നത്. പലസ്തീൻ അഭയാർത്ഥികൾക്കായുള്ള യുണൈറ്റഡ് നേഷൻസ് റിലീഫ് ആൻഡ് വർക്ക്സ് ഏജൻസി (UNRWA) യുടെ കീഴിലുള്ള ഈ സ്കൂൾ, ഇസ്രായേലിലിന്റെ ആക്രമണങ്ങളിൽ നിന്നുള്ള അഭയകേന്ദ്രമായും പൊതുജനങ്ങൾ ഉപയോഗിച്ചിരുന്നു.
ഇഎഎയുടെ സ്ഥാപക ഷെയ്ഖ മോസ ബിൻത് നാസർ, തകർന്ന അൽ ഫഖൂറ കെട്ടിടത്തിന്റെ ചിത്രം ഇൻസ്റ്റാഗ്രാമിലും പങ്കു വെച്ചിട്ടുണ്ട്. 'വിദ്യാഭ്യാസം ഇല്ലാതാക്കുന്നത് പൊറുക്കാനാവാത്ത കുറ്റമാണ് എന്ന തലക്കെട്ടോടെയാണ് ചിത്രം ഷെയ്ഖ മോസ പോസ്റ്റ് ചെയ്തത്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV