December 14, 2023
December 14, 2023
തെൽ അവീവ്: ബന്ദികളെ മോചിപ്പിക്കാനുള്ള രണ്ടാം ഘട്ട ചർച്ചകൾ ദോഹയിൽ പുനരാരംഭിക്കുന്നതിനുള്ള നീക്കം വീണ്ടും പ്രതിസന്ധിയിലായി. ചർച്ചകൾക്കായി ദോഹയിലേക്ക് പോകാനിരുന്ന മൊസാദ് ഡയറക്ടർ ഡേവിഡ് ബാർണിയയുടെ ഖത്തർ സന്ദർശനം ഇസ്രായേൽ റദ്ദാക്കിയതായി റിപ്പോർട്ട്. സിഎൻഎൻ ആണ് ഇക്കാര്യം റിപ്പോർട്ട് ചെയ്തത്.
പ്രധാനമന്ത്രി ബെഞ്ചമിൻ നെതന്യാഹുവിന്റെ നേതൃത്വത്തിലുള്ള ഇസ്രയേലി യുദ്ധ കാബിനറ്റ് യാത്ര അവസാനിപ്പിച്ചതായും മുതിർന്ന ഇസ്രായേൽ ഉദ്യോഗസ്ഥർ ചർച്ചകൾ പുനരാരംഭിക്കാൻ ഖത്തറിലേക്ക് പോകില്ലെന്നും ഇസ്രായേൽ ചാനൽ 13 റിപ്പോർട്ട് ചെയ്തു. ഖത്തറിലേക്കുള്ള യാത്ര റദ്ദാക്കാനുള്ള തീരുമാനത്തിൽ ഇസ്രായേലി ബന്ദികളുടെ കുടുംബങ്ങൾ പ്രകോപിതരാകുകയും വിശദീകരണം ആവശ്യപ്പെടുകയും ചെയ്തിട്ടുണ്ട്.
അതേസമയം,ഒക്ടോബർ 7 മുതൽ 240-ഓളം പേരാണ് ഗസയിൽ ബന്ദികളാക്കപ്പെട്ടത്. വെടിനിർത്തലിന് ശേഷം 135 ബന്ദികൾ ഗസയിൽ ഇനിയും അവശേഷിക്കുന്നുണ്ടെന്നും അവരിൽ 115 പേർ ജീവിച്ചിരിപ്പുണ്ടെന്നുമാണ് ഇസ്രായേൽ പറയുന്നത്.
ഗസയ്ക്കെതിരായ ഇസ്രായേൽ ആക്രമണത്തിൽ 18,412 പേർ കൊല്ലപ്പെട്ടതായി ഫലസ്തീൻ അധികൃതർ അറിയിച്ചു. 50,100 പേർക്ക് പരിക്കേറ്റതായാണ് ഔദ്യോഗിക കണക്ക്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F