November 06, 2023
November 06, 2023
ഗസ: ഖത്തറിന്റെ ധനസഹായത്തോടെ ഗസയില് പ്രവര്ത്തിക്കുന്ന ആശുപത്രി ഹമാസ് താവളമാക്കിയെന്ന ഇസ്രയേല് ആരോപണം ഗസ അധികൃതര് നിഷേധിച്ചു. ഖത്തര് ധനസഹായം നല്കുന്ന ഗസയിലെ ഷെയ്ഖ് ഹമദ് ബിന് ഖലീഫ ബിന് താനി ആശുപത്രി ഉള്പ്പെടെയുള്ള ഇടങ്ങള് ഹമാസ് പോരാളികള് താവളമായി ഉപയോഗിക്കുന്നുവെന്നായിരുന്നു ഇസ്രയേല് അധിനിവേശ സേന (ഐഒഎഫ്) കഴിഞ്ഞദിവസം അരോപണം ഉന്നയിച്ചത്.
ഉപരോധിക്കപ്പെട്ട ആശുപത്രികളുടെ ചിത്രങ്ങള് ഉയര്ത്തിയായിരുന്നു ഐഒഎഫ് വക്താവ് ഡാനിയല് ഹഗാരി വാര്ത്താസമ്മേളനത്തില് ആരോപണമുന്നയിച്ചത്. 2016ല് ഖത്തര് അമീറിന്റെ പേരില് സ്ഥാപിതമായ ആശുപത്രിക്കുള്ളില് നിന്ന് ഇസ്രയേല് സൈനികര്ക്ക് നേരെ ഹമാസ് ഭീകരര് വെടിയുതിര്ക്കുന്നതിന്റെ വീഡിയോയും ഹഗാരി വാര്ത്താസമ്മേളനത്തില് പുറത്തുവിട്ടു.
അതേസമയം ഗസ മുനമ്പില് 31 ദിവസമായി തുടരുന്ന ഇസ്രയേല് ആക്രമണങ്ങളില് പതിനായിരത്തിലധികം ഫലസ്തീനികള് കൊല്ലപ്പെട്ടതായി ഗസ ആരോഗ്യമന്ത്രാലയം അറിയിച്ചു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F