November 05, 2023
November 05, 2023
ഗസ: ഗസയിലെ അൽ-മഗാസി അഭയാർഥി ക്യാമ്പിന് നേരെ ഇസ്രായേൽ നടത്തിയ വ്യോമാക്രമണത്തിൽ 30 പേർ കൊല്ലപ്പെട്ടതായി ഗസ ആരോഗ്യമന്ത്രാലയം അറിയിച്ചു. ഇന്നലെ (ശനിയാഴ്ച) നടന്ന വ്യോമാക്രമണത്തിൽ പരിക്കേറ്റവരെ ദേർ എൽ-ബാലയിലെ അൽ-അഖ്സ ആശുപത്രിയിലേക്ക് കൊണ്ടുപോയതായി ആരോഗ്യ മന്ത്രാലയം പ്രസ്താവനയിൽ വ്യക്തമാക്കി.
ഗസയിലെ അഭയാർത്ഥി ക്യാമ്പുകൾക്ക് നേരെ ഉണ്ടായ നാലാമത്തെ ബോംബാക്രമണമാണിത്. നിരവധി പേര് കെട്ടിടാവശിഷ്ടങ്ങളില് കുടുങ്ങിക്കിടക്കുന്നതായാണ് റിപ്പോർട്ട്.
അതേസമയം, ഗസയിലെ ബുറൈജ് അഭയാർഥി ക്യാമ്പിന് നേരെയും ജബലിയ അഭയാർഥി ക്യാമ്പിന് നേരെയും ഇസ്രായേൽ വ്യോമാക്രമണം നടത്തിയിരുന്നു. ജബലിയ, ബുറൈജ് അഭയാർത്ഥി ക്യാമ്പുകളിൽ നടത്തിയ വ്യോമാക്രമണത്തിൽ 200-ലധികം പേർ കൊല്ലപ്പെട്ടതായാണ് റിപ്പോർട്ട്.
അതേസമയം, ഒക്ടോബർ 7 ന് ആരംഭിച്ച ആക്രമണത്തിൽ ഇതുവരെ ഗസയിൽ 9,200-ലധികം ആളുകളാണ് കൊല്ലപ്പെട്ടത്. 23,500 പേർക്ക് പരിക്കേൽക്കുകയും ചെയ്തതായി ഫലസ്തീൻ അധികൃതർ അറിയിച്ചു. ഇസ്രായേലിൽ 1,400-ലധികം ആളുകൾ കൊല്ലപ്പെട്ടതായാണ് വിവരം.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F