December 18, 2023
December 18, 2023
ഗസ: ഗസയിലെ ജബലിയ അഭയാർഥി ക്യാമ്പിന് നേരെ ഇസ്രായേൽ നടത്തിയ ആക്രമണത്തിൽ 90 പേര് കൊല്ലപ്പെട്ടതായി ഗസ ആരോഗ്യമന്ത്രാലയം അറിയിച്ചു. 100 പേര്ക്ക് പരിക്കേറ്റതായാണ് റിപ്പോർട്ട്. നിരവധി പേര് കെട്ടിടാവശിഷ്ടങ്ങളില് കുടുങ്ങിക്കിടക്കുന്നുണ്ട്. ജബലിയ ക്യാമ്പിലെ അൽ-ബാർഷ്, അൽവാൻ എന്നീ റെസിഡൻഷ്യൽ ബ്ലോക്കിലാണ് ആക്രമണമുണ്ടായത്.
മരിച്ചവരിൽ ഒരുപാട് സ്ത്രീകളും കുട്ടികളും ഉണ്ടെന്നും, കുറെ പേരെ കാണാതായിട്ടുണ്ടെന്നും വഫ ന്യൂസ് ഏജൻസി റിപ്പോർട്ട് ചെയ്തു. കുട്ടികളുൾപ്പെടെ പരിക്കേറ്റവരിൽ പലരെയും സമീപത്തുള്ള മെഡിക്കൽ സെന്ററുകളിലേക്ക് മാറ്റി. ഫലസ്തീൻ ഇസ്ലാമിക് ഗ്രൂപ്പിന്റെ വക്താവ് ദാവൂദ് ഷെഹാബിന്റെ മകനും മരിച്ചവരിൽ ഉൾപ്പെടുന്നുവെന്ന് റോയിട്ടേഴ്സ് റിപ്പോർട്ട് ചെയ്തു.
“അവശിഷ്ടങ്ങൾക്കടിയിൽ മരിച്ചവരുടെ എണ്ണം വളരെ വലുതാണെന്ന് ഞങ്ങൾ വിശ്വസിക്കുന്നു, എന്നാൽ ഇസ്രായേലിന്റെ ആക്രമണത്തിന്റെ തീവ്രത കാരണം അവശിഷ്ടങ്ങൾ നീക്കം ചെയ്യാനും അവരെ വീണ്ടെടുക്കാനും ഒരു മാർഗവുമില്ല,” ഫലസ്തീൻ ഇസ്ലാമിക് ഗ്രൂപ്പിൽ നിന്നുള്ള ഉദ്യോഗസ്ഥൻ പറഞ്ഞു.
ഗസയിലെ ഏറ്റവും വലിയ അഭയാര്ഥി ക്യാമ്പുകളിലൊന്നാണ് ജബലിയ. കഴിഞ്ഞ എഴുപത് വര്ഷത്തിലധികമായി 1,16,000 ഫലസ്തീനികളുള്ള അഭയാര്ഥി ക്യാമ്പാണ് ജബലിയ.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F