November 11, 2023
November 11, 2023
ഗസ: ഗസയിലെ അല് ഷിഫ ആശുപത്രിയുടെ പ്രവേശന കവാടം ഇസ്രയേല് സൈന്യം അടച്ചതായി റിപ്പോര്ട്ട്. ആക്രമണങ്ങളില് പരിക്കേറ്റവരും അഭയാര്ത്ഥികളുമടക്കം ആയിരക്കണക്കിന് പേര് ആശുപത്രിയില് കുടുങ്ങിക്കിടക്കുന്നതായാണ് വിവരം. ഗസയിലെ ഏറ്റവും വലിയ ആശുപത്രി കൂടിയാണ് അല് ഷിഫ.
മെഡിക്കല് സാധനങ്ങളും ഭക്ഷണങ്ങളും ആശുപത്രിയിലേക്ക് എത്തിച്ചിരുന്ന ആംബുലന്സുകളെ ആശുപത്രിയിലേക്ക് പ്രവേശിക്കാനോ പുറത്തേക്ക് പോകാനോ ഇന്ന് (ശനിയാഴ്ച) രാവിലെ മുതല് ഇസ്രയേല് സൈന്യം അനുവദിച്ചില്ല. ആശുപത്രി പൂര്ണമായും സൈന്യം വളഞ്ഞു.
അതേസമയം അവസാന നിമിഷം വരെ ആശുപത്രിയിലുള്ളവര്ക്കൊപ്പം നില്ക്കുമെന്ന് അല് ഷിഫ ഡയറക്ടര് മുഹമ്മദ് അബു അല്ജസീറയോട് വ്യക്തമാക്കി. ആശുപത്രി വിട്ടുപോകില്ല, പോയാല് രോഗാവസ്ഥയില് ചികിത്സയിലുള്ള നിരവധിപേര്ക്ക് ജീവന് നഷ്ടമാകുമെന്നും അദ്ദേഹം പറഞ്ഞു.
വെള്ളിയാഴ്ച പുലര്ച്ചെ അല് ഷിഫ ആശുപത്രിക്ക് നേരെ ഇസ്രയേല് സൈന്യം നടത്തിയ ആക്രമണത്തില് 13 പേര് കൊല്ലപ്പെടുകയും നിരവധി പേര്ക്ക് പരിക്കേല്ക്കുകയും ചെയ്തിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F