November 04, 2023
November 04, 2023
ഗസ: ഗസയിൽ ഇസ്രായേല്‍ നടത്തിയ ഷെല്ലാക്രമണത്തില്‍ ഫലസ്തീന്‍ നാടക കലാകാരി ഇനാസ് അൽ സക്കയും 2 പെൺമക്കളും കൊല്ലപ്പെട്ടതായി ഫലസ്തീൻ സാംസ്കാരിക മന്ത്രാലയം അറിയിച്ചു. ഗസയിലെ ഇൻഡസ്ട്രി ജംക്‌ഷനു സമീപമുള്ള ഓർത്തഡോക്‌സ് കൾച്ചറൽ സെന്ററിലുണ്ടായ സ്‌ഫോടനത്തിലാണ് കൊല്ലപ്പെട്ടത്. ഇസ്രായേൽ ആക്രമണത്തെ ഭയന്ന് സ്വന്തം വീട്ടിൽ നിന്ന് ഓർത്തഡോക്‌സ് കൾച്ചറൽ സെന്ററിൽ അഭയം തേടുകയായിരുന്നു.
സാമൂഹിക ഇടപെടലുകൾക്കും നാടകരംഗത്തെ സംഭാവനകൾക്കും പേരുകേട്ട താരമായിരുന്നു ഇനാസ്. ആക്രമണത്തിൽ പെൺമക്കളായ ലിനിനും സാറയുമാണ് മരിച്ചത്. ഇനാസിന്റെ മറ്റ് മക്കളായ ഇബ്രാഹിം, റീത്ത, ഫറ എന്നിവർക്കും ഗുരുതരമായി പരിക്കേറ്റു. ഫലസ്തീൻ നാടക സമൂഹത്തിലെ ശ്രദ്ധേയയായ ഇനാസ്, വർഷങ്ങൾക്ക് മുമ്പ് കെയ്‌റോയിലേക്ക് (ഈജിപ്ത്) മാറിയിരുന്നുവെങ്കിലും അടുത്തിടെ വീണ്ടും ഗസയിലേക്ക് മടങ്ങിയിരുന്നു.
ഇന്റീരിയർ ഡിസൈനിംഗിൽ ബിരുദമുള്ള ഇനാസ്, "ദ ബിയർ", "സംതിംഗ് ഹാപ്പനിംഗ്" തുടങ്ങിയ നാടകങ്ങളിലൂടെയാണ് പ്രശസ്തയായത്.
അതേസമയം, ഒക്ടോബർ 22ന് ഇസ്രായേല്‍ നടത്തിയ ആക്രമണത്തില്‍ ഫലസ്തീന്‍ കവയത്രി ഹിബ അബു നദയും (32) ഗസയിൽ കൊല്ലപ്പെട്ടിരുന്നു. ഗസയിലെ ഖാന്‍ യൂനിസില്‍ ഇസ്രായേല്‍ നടത്തിയ ആക്രമണത്തിലാണ് ഹിബ കൊല്ലപ്പെട്ടത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://chat.whatsapp.com/CqJci12yE9VL8MZgKZYvGm
