October 21, 2023
October 21, 2023
ഗസ: ഫലസ്തീന് ഉപയോക്താക്കളുടെ ഇന്സ്റ്റഗ്രാം ബയോയില് 'തീവ്രവാദി' എന്ന് ചേര്ത്തതില് ഖേദം പ്രകടിപ്പിച്ച് മെറ്റ. അറബിക് പരിഭാഷയിലെ പിഴവാണ് സംഭവത്തിന് കാരണമെന്നും പിഴവുകൾ പരിഹരിച്ചിട്ടുണ്ടെന്നും മെറ്റ അറിയിച്ചു. ഇത്തരമൊരു സംഭവമുണ്ടായതില് ആത്മാര്ത്ഥമായി ക്ഷമ ചോദിക്കുന്നുവെന്ന് മെറ്റ വക്താവ് പറഞ്ഞതായി ദ ഗാര്ഡിയന് റിപ്പോര്ട്ട് ചെയ്തു.
മെറ്റയുടെ അറബിക് പരിഭാഷയിലെ പിഴവ് ഖാന്മാന് എന്ന ഇന്സ്റ്റഗ്രാം ഉപയോക്താവ് പുറത്തു കൊണ്ടുവന്നതോടെ സംഭവം സമൂഹ മാധ്യമങ്ങളിൽ വ്യാപകമായി പ്രചരിക്കുകയായിരുന്നു. ഇൻസ്റ്റാഗ്രാം ബയോയില് താന് ഫലസ്തീനിയാണെന്ന് ഖാന്മാന് രേഖപ്പെടുത്തിയിരുന്നു. ഫലസ്തീന് പതാകയുടെ ഇമോജിക്കൊപ്പം അറബിയില് അല്ഹംദുലില്ലാഹ് എന്നും ബയോയിൽ എഴുതി.
ഇത് പരിഭാഷപ്പെടുത്തിയപ്പോള്, 'ദൈവത്തിന് സ്തുതി, ഫലസ്തീന് തീവ്രവാദികള് സ്വാതന്ത്ര്യത്തിനായി പോരാടുന്നു' എന്നാണ് വന്നതെന്ന് ഖാന്മാന് ചൂണ്ടിക്കാണിച്ചു. ഇതിന്റെ സ്ക്രീന് റെക്കോര്ഡും സമൂഹ മാധ്യമങ്ങളിൽ പങ്കുവച്ചു. ഇതോടെ പോസ്റ്റ് വൈറലാവുകയായിരുന്നു.
അതേസമയം, താന് ഫലസ്തീനിയല്ലെന്നും ഇന്സ്റ്റയില് ഇത്തരമൊരു പിഴവുണ്ടെന്ന് സുഹൃത്ത് പറഞ്ഞപ്പോള് അത് പരിശോധിക്കാൻ വേണ്ടിയാണ് അങ്ങനെ ചെയ്തതെന്നും ഖാന്മാന് പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F