October 16, 2023
October 16, 2023
ഗസ: സംഘര്‍ഷം തുടരുന്ന ഗസയിലെ ആശുപത്രികളില്‍ മരുന്ന് ക്ഷാമം രൂക്ഷമെന്ന് ഫലസ്തീന്‍ ആരോഗ്യമന്ത്രാലയം അറിയിച്ചു. ആശുപത്രികളില്‍ അവശ്യ മരുന്നുകളുടെ കുറവ് അനുഭവപ്പെടുകയാണെന്ന് ഫലസ്തീന്‍ ആരോഗ്യമന്ത്രി മൈ അല്‍ കൈല പറഞ്ഞു. ഇസ്രയേലിന്റെ തുടര്‍ച്ചയായ ഷെല്ലാക്രമണത്തില്‍ ഗസയില്‍ 23 ആംബുലന്‍സുകള്‍ തകര്‍ന്നു. 79ല്‍ അധികം ആരോഗ്യ പ്രവര്‍ത്തകര്‍ക്ക് നേരെ ആക്രമണം ഉണ്ടായെന്നും ആരോഗ്യമന്ത്രി വ്യക്തമാക്കി.
ഇസ്രയേലിന്റെ ആക്രമണം തുടങ്ങി രണ്ടാം ദിവസം മുതല്‍ ഗസയിലെ ബെയ്റ്റ് ഹനോന്‍, കുട്ടികളുടെ ആശുപത്രിയായ അല്‍ ദുറ ആശുപത്രികളുടെ പ്രവര്‍ത്തനങ്ങള്‍ തടസ്സപ്പെട്ടതായും അദ്ദേഹം ആരോപിച്ചു. അന്താരാഷ്ട്ര തലത്തില്‍ തന്നെ നിരോധിക്കപ്പെട്ട വൈറ്റ് ഫോസ്ഫറസ് ഉപയോഗിച്ചുള്ള കൂറ്റന്‍ ഷെല്ലുകള്‍ ഉപയോഗിച്ചാണ് ഇസ്രയേല്‍ ആക്രമണം നടത്തുന്നത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
