September 25, 2023
September 25, 2023
കോഴിക്കോട് : കരിപ്പൂർ വിമാനത്താവളത്തിൽ സ്വർണം കടത്താൻ ശ്രമിച്ച 6 പേർ കസ്റ്റംസ് പിടിയിൽ. 3 കോടിയോളം വില വരുന്ന 5460 ഗ്രാം സ്വർണമാണ് പിടിച്ചെടുത്തത്.
കോഴിക്കോട് കൊടുവള്ളി സ്വദേശികളായ മുഹമ്മദ് ബഷീർ, മുഹമ്മദ് മിഥിലാജ്, കക്കട്ടിൽ സ്വദേശി ലിഗേഷ്, ചേലക്കാട് സ്വദേശി അസീസ്, മലപ്പുറം സ്വദേശികളായ സമീർ, അബ്ദുൽ സക്കീർ എന്നിവരാണ് പിടിയിലായത്. ഗൾഫിലെ വിവിധ രാജ്യങ്ങളിൽ നിന്നെത്തിയവരാണിവർ എന്നാണ് റിപ്പോർട്ട്.
സമീർ, ദോഹയിൽ നിന്നെത്തിയ അസീസ്, റിയാദിൽ നിന്നെത്തിയ മുഹമ്മദ് ബഷീർ എന്നിവർ ശരീരത്തിനുള്ളിൽ ക്യാപ്‌സ്യൂൾ രൂപത്തിലാണ് സ്വർണം കടത്താൻ ശ്രമിച്ചത്. ദുബായിൽ നിന്നെത്തിയ മുഹമ്മദ് മിഥിലാജ് ബെഡ്ഷീറ്റിൽ വിദഗ്ധമായി സ്വർണം പൂശിയ പേപ്പർ ഷീറ്റുകളിൽ ഒളിപ്പിച്ചായിരുന്നു കൊണ്ടുവന്നത്.
അതേസമയം, ദോഹയിൽ നിന്നെത്തിയ ലിഗേഷ് കസ്റ്റംസിനെ വെട്ടിച്ച് സ്വർണം വിമാനത്താവളത്തിന് പുറത്തെത്തിച്ചെങ്കിലും, സ്വർണം വാങ്ങാനെത്തിയ ക്വട്ടേഷൻ സംഘവുമായി ഇയാൾ പുറത്തു വെച്ച് വാക്ക് തർക്കമുണ്ടായി. ഇത് ശ്രദ്ധയിൽ പെട്ട വിമാനത്താവളത്തിലെ അധികൃതർ ലിഗേഷിനെ കസ്റ്റംസിന് കൈമാറുകയായിരുന്നു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G
