January 02, 2024
January 02, 2024
ടോക്കിയോ: ടോക്കിയോ വിമാനത്താവളത്തില്‍ വിമാനത്തിന് തീപിടിച്ച് അഞ്ച് പേര്‍ മരിച്ചതായി റിപ്പോര്‍ട്ട്. ടോക്കിയോ ഹനേഡ വിമാനത്താവളത്തിലാണ് തീപിടുത്തമുണ്ടായത്. റണ്‍വേയില്‍ ഇറങ്ങിയ ജപ്പാന്‍ എയര്‍ലൈന്‍സിന്റെ എയര്‍ബസ് SE എ 350 എന്ന വിമാനം കോസ്റ്റ് ഗാര്‍ഡിന്റെ വിമാനവുമായി കൂട്ടിയിടിക്കുകയായിരുന്നു. കൂട്ടിയിടിയുടെ ആഘാതത്തില്‍ വിമാനത്തിന് തീപിടിച്ചു. അപകടത്തില്‍ കോസ്റ്റ് ഗാര്‍ഡ് വിമാനത്തിലുണ്ടായിരുന്ന അഞ്ച് പേര്‍ മരിച്ചതായാണ് വിവരം. വിമാനത്തിലുണ്ടായിരുന്ന ഒരാള്‍ സുരക്ഷിതമെന്നും റിപ്പോര്‍ട്ടുണ്ട്.
ജപ്പാനില്‍ കഴിഞ്ഞദിവസമുണ്ടായ ഭൂചലനത്തില്‍ സഹായമെത്തിക്കുന്നതിനായി പോയ വിമാനമാണ് കൂട്ടിയിടിച്ചതെന്ന് കോസ്റ്റ് ഗാര്‍ഡ് പറഞ്ഞു. അതേസമയം തീപിടിച്ച ജപ്പാന്‍ എയര്‍ലൈന്‍സിലുണ്ടായിരുന്ന 367 യാത്രക്കാരെയും എമര്‍ജന്‍സി എക്സിറ്റിലൂടെ സുരക്ഷിതമായി പുറത്തെത്തിച്ചതായി ജപ്പാന്‍ എയര്‍ലൈന്‍സ് അറിയിച്ചു. തീപിടിച്ച വിമാനം മുന്നോട്ടുനീങ്ങുന്നതിന്റെ വിഡിയോ ദൃശ്യങ്ങളും പുറത്തുവന്നു. വിമാനം പൂര്‍ണമായും കത്തിനശിച്ചതായാണ് വിവരം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
