August 19, 2023
August 19, 2023
തിരുവനന്തപുരം: സിനിമാ സംവിധായകനും ടെലിവിഷൻ ഷോകളുടെ ക്രിയേറ്റീവ് ഡയറക്ടറുമായ വർക്കല വി ജയകുമാർ (61) അന്തരിച്ചു. വർക്കല ഗവ. താലൂക്ക് ആശുപത്രിക്കുസമീപം വിജയവിലാസത്തിലായിരുന്നു താമസം.
1996-ൽ പുറത്തിറങ്ങിയ 'വാനരസേന' എന്ന ചിത്രത്തിന്റെ സംവിധായകനായിരുന്നു അദ്ദേഹം. സീരിയലുകളും സംവിധാനം ചെയ്തിട്ടുണ്ട്. മാനത്തെ കൊട്ടാരം, പ്രിയപ്പെട്ട കുക്കു, ചന്ത, ആലഞ്ചേരി തമ്പ്രാക്കൾ തുടങ്ങിയ 18ഓളം സിനിമകളുടെ സഹസംവിധായകനായും അദ്ദേഹം പ്രവർത്തിച്ചിട്ടുണ്ട്.
നിങ്ങൾക്കും ആകാം കോടീശ്വരൻ, അടി മോനേ ബസർ തുടങ്ങിയ റിയാലിറ്റിഷോകളുടെ ക്രിയേറ്റീവ് ഡയറക്ടറുയിരുന്നു. സഹോദരങ്ങൾ: സുമതിയമ്മ, സരസ്വതിയമ്മ (റിട്ട. ട്രഷറി), തുളസീഭായി (റിട്ട. ബ്ലോക്ക് ഓഫീസർ), വിജയൻ, ജയകുമാരി. സംസ്കാരം തിങ്കളാഴ്ച്ച.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/BrKVB5Ii85n26onvJMSO7R