September 27, 2023
September 27, 2023
കോഴിക്കോട് : പ്രശസ്ത മാപ്പിളപ്പാട്ട് ഗായിക റംല ബീഗം അന്തരിച്ചു. 77 വയസായിരുന്നു. കഥാ പ്രാസംഗിക എന്ന നിലയിലും പ്രശസ്തയായിരുന്നു. കോഴിക്കോട് പാറോപ്പടിയിലെ വീട്ടിലായിരുന്നു അന്ത്യം. മത വിലക്കുകളെ മറികടന്ന് പരിപാടി അവതരിപ്പിച്ച കേരളത്തിലെ ആദ്യ മുസ്ലിം വനിതയായിരുന്നു റംല ബീഗം.
കഥാപ്രസംഗങ്ങളിലൂടെയും മാപ്പിളപ്പാട്ടിലൂടെയും ആരാധകരുടെ മനസ്സ് കീഴടക്കിയ ഗായികയായിരുന്നു. 20 ഇസ്ലാമിക കഥകള്ക്ക് പുറമെ ഓടയില് നിന്ന്, ശാകുന്തളം, നളിനി എന്നീ കഥകളും കഥാപ്രസംഗ രൂപത്തില് അവതരിപ്പിച്ചിട്ടുണ്ട്. എം.എ. റസാഖ് എഴുതിയ ജമീല എന്ന കഥയാണ് ആദ്യമായി കഥാപ്രസംഗമായി അവതരിപ്പിച്ചത്. ഏഴാം വയസു മുതല് ആലപ്പുഴ ആസാദ് മ്യൂസിക് ട്രൂപ്പില് ഹിന്ദി ഗാനങ്ങള് പാടി തുടങ്ങിയിരുന്നു.
കേരള സംഗീത നാടക അക്കാദമി, ഫോക് ലോര് അക്കാദമി, മാപ്പിള കലാ അക്കാദമി, കെ.എം.സി.സി അവാര്ഡുകള്ക്ക് പുറമെ ഗള്ഫില് നിന്നും നിരവധി പുരസ്കാരങ്ങള് റംലാ ബീഗം സ്വന്തമാക്കിയിട്ടുണ്ട്.
ആലപ്പുഴ സക്കറിയ ബസാറില് ഹുസൈന് യൂസഫിന്റെയും മറിയം ബീവിയുടെയും ഇളയ മകളാണ്. ഭർത്താവ്. പരേതനായ കെ.എ. സലാം.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G