October 22, 2023
October 22, 2023
ലണ്ടന്- ഇംഗ്ലണ്ട് ലോകകപ്പ് ജേതാവും മാഞ്ചസ്റ്റർ യുണൈറ്റഡ് ഇതിഹാസവുമായ ബോബി ചാൾട്ടൺ (86) അന്തരിച്ചു. 40 വര്ഷത്തോളം മാഞ്ചസ്റ്റര് യുനൈറ്റഡിന്റെയും ഇംഗ്ലണ്ടിന്റെയും ടോപ്സ്കോററായിരുന്നു മിഡ്ഫീല്ഡറായ ബോബി ചാൾട്ടൺ.
1966ൽ ലോകകപ്പ് വിജയിച്ച ഇംഗ്ലണ്ട് ടീമിലെ പ്രധാന അംഗമായിരുന്നു ചാൾട്ടൺ. 1965-73 കാലഘട്ടത്തില് മാഞ്ചസ്റ്റര് യുനൈറ്റഡിന് വേണ്ടി 758 മത്സരങ്ങള് കളിച്ചു. 1958 ലെ മ്യൂണിക് വിമാനദുരന്തത്തില് രക്ഷപ്പെട്ട അപൂര്വം യുനൈറ്റഡ് കളിക്കാരിലൊരാളാണ് ചാൾട്ടൺ. മാഞ്ചസ്റ്റര് യുനൈറ്റഡിനൊപ്പം മൂന്നു ലീഗ് കിരീടവും ഒരു എഫ്.എ കപ്പും നേടി. ഇംഗ്ലണ്ടിന് വേണ്ടി 106 മത്സരങ്ങളും അദ്ദേഹം കളിച്ചിട്ടുണ്ട്.
2020ൽ ചാൾട്ടന് ഡിമെൻഷ്യ ബാധിച്ചു. രോഗം പിടിപെട്ടതോടെ അദ്ദേഹം ഓൾഡ് ട്രാഫോർഡിലെ മത്സരങ്ങളിൽ പങ്കെടുക്കുന്നതും നിർത്തി. ഫുട്ബോളിൽ ചാൾട്ടന്റെ സ്വാധീനം ദീർഘകാലം നിലനിന്നിരുന്നതായിന്നുവെന്ന് ഫിഫ പ്രസിഡന്റ് ജിയാനി ഇൻഫാന്റിനോ പറഞ്ഞു.
FIFA President Gianni Infantino: "On behalf of FIFA, and the global football family, I send my deepest condolences to the family and friends of Sir Bobby Charlton. We mourn the loss of one of England’s 1966 FIFA World Cup winning team and a football legend, whose impact on the… pic.twitter.com/fDxj7Uo85U
— FIFA (@FIFAcom) October 21, 2023
'ഫുട്ബോൾ ഇതിഹാസമായ ബോബി ചാൾട്ടന്റെ നഷ്ടത്തിൽ ഞങ്ങൾ വിലപിക്കുന്നു, അദ്ദേഹത്തിന്റെ സ്വാധീനം തലമുറകളോളം നീണ്ടുനിന്നിരുന്നു," ഫിഫ പ്രസിഡന്റ് ജിയാനി ഇൻഫാന്റിനോ എക്സിലൂടെ (ട്വിറ്റർ) പറഞ്ഞു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F