January 02, 2024
January 02, 2024
ടോക്കിയോ: ജപ്പാനില്‍ ഇന്നലെയുണ്ടായ (തിങ്കൾ) ശക്തമായ ഭൂചലനത്തിൽ വാജിമ സിറ്റിയിൽ 30 മരണം. നിരവധി പേർക്ക് പരിക്കേറ്റതായാണ് വിവരം. 36,000 വീടുകളിൽ വൈദ്യുതി മുടങ്ങി. കൂടുതൽ ശക്തമായ ഭൂകമ്പത്തിന് സാധ്യതയുള്ളതിനാൽ ചില പ്രദേശങ്ങളിൽ നിന്ന് ആളുകളോട് വീടുകളിൽ നിന്ന് മാറിനിൽക്കാനും അധികൃതർ മുന്നറിയിപ്പ് നൽകി. നിരവധി കെട്ടിടങ്ങൾക്കും വാഹനങ്ങൾക്കും ബോട്ടുകൾക്കും കേടുപാടുകൾ സംഭവിച്ചതായും റിപ്പോർട്ടുണ്ട്.
റിക്ടര്‍ സ്‌കെയിലില്‍ 7.6 തീവ്രതയാണ് ഇന്നലെ രേഖപ്പെടുത്തിയത്. ഹോൻഷു ദ്വീപിലെ ഇഷിക്കാവ പ്രവിശ്യയ്ക്കു സമീപം കടലിൽ ഇന്നലെ വൈകിട്ട് 4 മണിക്ക് (ഇന്ത്യൻ സമയം ഉച്ചയ്ക്ക് 1:30 മണി) ശേഷമാണ് ഭൂചലനമുണ്ടായത്. ഒരു മീറ്റർ ഉയരത്തിൽ തിരകൾ ഉയർന്നു പൊങ്ങിയതായാണ് റിപ്പോർട്ട്. തുടർന്ന് തീരപ്രദേശങ്ങളായ നിഗറ്റ, ടോയാമ, ഇഷികാവ പ്രവിശ്യകളിൽ സുനാമി മുന്നറിയിപ്പ് നല്‍കിയതായി ജപ്പാന്‍ കാലാവസ്ഥാ ഏജന്‍സി അറിയിച്ചിരുന്നു. തീരമേഖലയിലെ ജനങ്ങൾ ഉടൻ ഒഴിഞ്ഞ് പോകണമെന്നും അധികൃതർ മുന്നറിയിപ്പ് നൽകി. ഒഹി, തകഹാമ ആണവനിലയങ്ങൾക്ക് തകരാറുകൾ ഇല്ലെന്ന് സ്ഥിരീകരിച്ചു.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
