October 07, 2023
October 07, 2023
കാബൂള്: അഫ്ഗാനിസ്ഥാനില് ഭൂകമ്പം. അര മണിക്കൂറിനുള്ളില് മൂന്ന് തവണ ശക്തമായ ഭൂകമ്പമുണ്ടായതായി നാഷണൽ സെന്റർ ഫോർ സീസ്മോളജി അറിയിച്ചു. അഫ്ഗാന്റെ പടിഞ്ഞാറൻ ഭാഗത്താണ് ഭൂകമ്പമുണ്ടായത്. 14 പേര് മരിച്ചെന്നാണ് പ്രാഥമിക റിപ്പോര്ട്ട്. 78 പേര്ക്ക് പരിക്കേറ്റു. മരണ സംഖ്യ ഇനിയും ഉയരാൻ സാധ്യതയുണ്ടെന്നും അധികൃതര് അറിയിച്ചു.
Earthquake of Magnitude:5.0, Occurred on 07-10-2023, 14:57:25 IST, Lat: 34.68 & Long: 61.95, Depth: 70 Km ,Location: Afghanistan, For more information Download the BhooKamp App https://t.co/BMGEqoMRnD @Dr_Mishra1966 @ndmaindia @KirenRijiju @PMOIndia @Ravi_MoES @Indiametdept pic.twitter.com/Qx9J32SqoC
— National Center for Seismology (@NCS_Earthquake) October 7, 2023
ഉച്ചയ്ക്ക് 12:19ന് 5.6 തീവ്രതയും, ഉച്ചയ്ക്ക് 12:11ന് 6.1 തീവ്രതയും, കൂടാതെ ഉച്ചയ്ക്ക് 12:42 ന് വീണ്ടും 6.2 തീവ്രതയുമാണ് രേഖപ്പെടുത്തിയത്. ഭൂകമ്പത്തിന്റെ പ്രഭവ കേന്ദ്രം ഹെറാത്ത് നഗരത്തില് നിന്നും 40 കിലോ മീറ്റർ അകലെയാണ്. കെട്ടിടങ്ങളിൽ നിന്നും വീടുകളില് നിന്നും ആളുകള് പുറത്തേക്ക് ഓടുന്ന ദൃശ്യം സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്. പലരും ഭയന്ന് തെരുവുകളില് തുടരുകയാണ്. നാശനഷ്ടത്തിന്റെ കൂടുതല് വിവരങ്ങള് ലഭ്യമായിട്ടില്ലെന്ന് ദേശീയ ദുരന്ത നിവാരണ അതോറിറ്റി വക്താവ് അറിയിച്ചു.
അതേസമയം, കഴിഞ്ഞ വർഷം അഫ്ഗാനിസ്ഥാനിൽ റിക്ടർ സ്കെയിലിൽ 5.9 തീവ്രത രേഖപ്പെടുത്തിയ ഭൂകമ്പത്തിൽ 1000ത്തിലധികം ആളുകൾ മരിക്കുകയും പതിനായിരക്കണക്കിന് ആളുകൾ ഭവനരഹിതരാകുകയും ചെയ്തിരുന്നു. ഈ വർഷം മാർച്ചിൽ വടക്കുകിഴക്കൻ അഫ്ഗാനിസ്ഥാനിലെ ജുർമിന് സമീപമുണ്ടായ ഭൂചലനത്തിൽ 13 പേരും മരിച്ചിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/FSQLmJGMow51SCIIBEEcWV