November 01, 2023
November 01, 2023
ദോഹ: ഫല്‌സതീന്‍ ജനതയുടെ കഥകളും, പോരാട്ടങ്ങളും, അചഞ്ചലമായ പ്രതിരോധവും വ്യക്തമാക്കുന്ന ചലച്ചിത്ര പ്രദര്‍ശനമാണ് ദോഹ ഫിലിം ഇന്‍സ്റ്റിറ്റ്യൂട്ട് (ഡിഎഫ്‌ഐ) സംഘടിപ്പിക്കുന്നത്. 'വോയ്‌സ് ഓഫ് ഫലസ്തീന്' എന്ന പേരില്‍ നാളെ (നവംബര്‍ 2) ആരംഭിക്കുന്ന പ്രദര്‍ശനം നവംബര്‍ 9 വരെ തുടരും. ഫലസ്തീനിലെ ചലച്ചിത്ര പ്രവര്‍ത്തകര്‍ നിര്‍മിച്ച ചിത്രങ്ങളാണ് പ്രദര്‍ശിപ്പിക്കുന്നത്.
ഫലസ്തീനിലെ ജനതയുടെ കണ്ണീരും പോരാട്ടങ്ങളും ഫല്‌സതീന്‍ ചലച്ചിത്ര പ്രവര്‍ത്തകരുടെ കണ്ണിലൂടെ അവതരിപ്പിച്ച് ഐക്യദാര്‍ഢ്യം പ്രഖ്യാപിക്കുന്നതാണ് 'വോയിസ് ഓഫ് ഫലസ്തീന്' എന്ന് ഡിഎഫ്‌ഐ ചീഫ് എക്‌സിക്യൂട്ടീവ് ഓഫീസര്‍ ഫാത്മ ഹസന്‍ അല്‍റെമൈഹി പറഞ്ഞു.
കത്താറ ബില്‍ഡിംഗ് 16ല്‍ ഡ്രാമ തിയറ്ററിലാണ് പ്രദര്‍ശനം. എലിയ സുലൈമാന്റെ 'ദി ടൈം ദാറ്റ് റിമൈന്‍സ്' ആണ് ഉദ്ഘാടന ചിത്രം. അവസാന ദിവസമായ നവംബര്‍ 9ന് ഡിഎഫ്‌ഐയുടെ പ്രത്യേക സ്‌ക്രീനിംഗും ഉണ്ടായിരിക്കും. പ്രദര്‍ശനങ്ങള്‍ക്ക് ശേഷം ചലച്ചിത്ര പ്രവര്‍ത്തകരുമായി ചോദ്യോത്തര സെഷനുകള്‍ക്കും അവസരമുണ്ടാകും.
ടിക്കറ്റുകള്‍ സൗജന്യമാണ്. റിസര്‍വേഷനുകള്‍ക്കായി ഡിഎഫ്‌ഐയുടെ ഔദ്യോഗിക വെബ്‌സൈറ്റിലൂടെ (dohafilminstitute.com) രജിസ്റ്റര്‍ ചെയ്യാം.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
