October 17, 2023
October 17, 2023
കൊളംബിയ: ഇസ്രയേല് അംബാസഡര് ഗാലി ഡാഗനെ കൊളംബിയ പുറത്താക്കി. കൊളംബിയ പ്രസിഡന്റ് ഗുസ്താവോ പെട്രോയെ വിമര്ശിച്ചതിനെ തുടര്ന്നാണ് നടപടി. ഗസക്കെതിരായ ഇസ്രയേല് ആക്രമണങ്ങളെ ജൂതന്മാര്ക്കെതിരെയായ നാസി പീഡനവുമായി ഉപമിച്ച കൊളംബിയ പ്രസിഡന്റ് ഗുസ്താവോ പെട്രോയെ ഡാഗന് പരിഹസിച്ചിരുന്നു.
പ്രസിഡന്റ് ഫലസ്തീന് ജനതയ്ക്ക് പിന്തുണ പ്രഖ്യാപിച്ച് രംഗത്തെത്തിയതിന് പിന്നാലെയാണ് പെട്രോയും ഡാഗനും തമ്മില് സാമൂഹിക മാധ്യമങ്ങളില് വാക്പോര് രൂക്ഷമായത്. പ്രസിഡന്റിനെ വിമര്ശിച്ചതിന് അദ്ദേഹത്തോട് ഡാഗന് മാപ്പ് പറയണമെന്ന് കൊളംബിയ വിദേശകാര്യ മന്ത്രി അല്വാരോ ലെയ്വയും ആവശ്യപ്പെട്ടു.
അംബാസഡറുടെ വിവേക ശൂന്യമായ നടപടി നാണക്കേടുണ്ടാക്കുന്നുന്നെന്നും ക്ഷമ ചോദിച്ച് പോകൂവെന്നും ലെയ്വ എക്സില് കുറിച്ചു. ഇസ്രയേല് ഉള്പ്പെടെ ആരൊക്കെ ഉത്തരവാദികളായാലും നിരപരാധികള്ക്കെതിരായുള്ള ക്രൂരതയെ അംഗീകരിക്കാന് കഴിയില്ലെന്നും ലെയ്വ വ്യക്തമാക്കി. അതേസമയം ഫലസ്തീനികള്ക്കെതിരെ നടത്തുന്ന ആക്രമണങ്ങളില് പ്രതിഷേധിച്ച് ഇസ്രയേലുമായുള്ള ബന്ധം വിച്ഛേദിക്കുമെന്ന് പെട്രോ കഴിഞ്ഞ ദിവസം വ്യക്തമാക്കിയിരുന്നു.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/DwYqZdMYXUCGOpYy8tmMSU
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F