November 13, 2023
November 13, 2023
ദോഹ: ഖത്തർ എയർവെയ്സിന്റെ ഓസ്‌ട്രേലിയയിലേക്കുള്ള അധിക വിമാന സർവീസുകളുമായി ബന്ധപ്പെട്ട സുപ്രധാന വിവരങ്ങൾ വെളിപ്പെടുത്താൻ ഓസ്‌ട്രേലിയൻ ഗതാഗത മന്ത്രി കാതറിൻ കിംഗ് വിസമ്മതിച്ചതായി റിപ്പോർട്ട്. ഓസ്‌ട്രേലിയയും ഖത്തറും തമ്മിലുള്ള ബന്ധവുമായി ബന്ധപ്പെട്ട വിവരങ്ങൾ ചില രേഖയിലുണ്ടെന്നും, അത് പുറത്തുവിടുന്നത് ഖത്തറുമായുള്ള ഓസ്‌ട്രേലിയയുടെ അന്താരാഷ്ട്ര ബന്ധങ്ങളെക്കുറിച്ചുള്ള വിവരങ്ങൾ വെളിപ്പെടുത്തുമെന്നും റിപ്പോർട്ടുണ്ട്.
ഓസ്‌ട്രേലിയയിലെ വിവിധ വിമാനത്താവളങ്ങളിലേക്ക് ആഴ്ചയിൽ 21 അധിക വിമാനങ്ങൾക്കുള്ള ഖത്തർ എയർവെയ്സിന്റെ ബിഡ് ഓസ്‌ട്രേലിയൻ ഗതാഗത മന്ത്രി കാതറിൻ കിംഗ് സെപ്റ്റംബറിൽ നിരസിച്ചിരുന്നു. ഈ നടപടിയെ ഖത്തർ എയർവേയ്‌സ് അപലപിച്ചിരുന്നു.
ദോഹ ഹമദ് രാജ്യാന്തര വിമാനത്താവളത്തിൽ ഓസ്‌ട്രേലിയൻ വനിതാ യാത്രക്കാരെ ദേഹപരിശോധന നടത്തിയത് ഉൾപെടെ, ദേശീയ താൽപര്യം സംരക്ഷിക്കുന്നതിലുള്ള ആശങ്കകളാണ് ഖത്തറിന്റെ ആവശ്യം നിരസിക്കാനുള്ള കാരണമെന്ന് ഓസ്‌ട്രേലിയൻ മന്ത്രി കാതറിൻ കിംഗ് നേരത്തെ ചൂണ്ടിക്കാട്ടിയിരുന്നു. അതേസമയം, ഖത്തർ എയർവേയ്‌സിന്റെ ബിഡ് നിരസിച്ച നടപടിയിൽ ഓസ്‌ട്രേലിയൻ സർക്കാർ രൂക്ഷമായ വിമർശനങ്ങളാണ് നേരിട്ടത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CqJci12yE9VL8MZgKZYvGm
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
