November 26, 2023
November 26, 2023
പാരീസ്: ഫലസ്തീനെ അനുകൂലിച്ച് സാമൂഹ്യ മാധ്യമങ്ങളിൽ പോസ്റ്റിട്ടത്തിന്റെ പേരിൽ അൾജീരിയൻ ഡിഫൻഡർ യൂസഫ് അത്തലിനെ ഫ്രഞ്ച് പോലീസ് കസ്റ്റഡിയിലെടുത്തതായി റിപ്പോർട്ട്. വംശീയ വിദ്വേഷം വളർത്തിയതിന് 27 കാരനായ യൂസഫ് അത്തലിനെ അറസ്റ്റ് ചെയ്തതായി ഫ്രഞ്ച് നൈസ്-മാറ്റിൻ ദിനപത്രം റിപ്പോർട്ട് ചെയ്തിട്ടുണ്ട്. സംഭവം വിവാദമായതിനെ തുടർന്ന് അത്തൽ ഉടനെ പോസ്റ്റ് ഡിലീറ്റ് ചെയ്യുകയും മാപ്പ് പറയുകയും ചെയ്തിരുന്നു.
അതേസമയം, 80,000 യൂറോയുടെ (87,500 ഡോളർ) ജാമ്യത്തിൽ അത്തലിനെ വിട്ടയച്ചു എന്നും റിപ്പോർട്ട് വരുന്നുണ്ട്. എന്നാൽ, വിചാരണ തീർപ്പാക്കുന്നതുവരെ അന്താരാഷ്ട്ര ഫുട്ബോൾ മത്സരങ്ങൾക്കല്ലാതെ ഫ്രാൻസ് വിടാൻ അത്തലിനെ അനുവദിക്കില്ലെന്നും അധികൃതർ വ്യക്തമാക്കി.
ഫലസ്തീൻ അനുകൂല സോഷ്യൽ മീഡിയ പോസ്റ്റുകളുടെ പേരിൽ അത്തലിനെ കഴിഞ്ഞ മാസം തന്നെ ഫ്രഞ്ച് ക്ലബ് സസ്പെൻഡ് ചെയ്തിരുന്നു. ഇസ്രയേലിനെതിരെ അക്രമത്തിന് ആഹ്വാനം ചെയ്തുകൊണ്ട് ഫലസ്തീൻ അനുകൂല പോസ്റ്റിട്ടതിനാണ് അത്തലിനെ ഫ്രഞ്ച് ഫുട്ബോൾ ലീഗ് ഏഴ് മത്സരങ്ങളിൽ നിന്ന് സസ്പെൻഡ് ചെയ്‌തത്‌.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
