December 14, 2023
December 14, 2023
ഗസ: വടക്കൻ ഗസയിലെ ഷാദിയ അബു ഗസാല സ്കൂളിൽ അഭയം പ്രാപിച്ച കുട്ടികൾ ഉൾപ്പെടെയുള്ള ഫലസ്തീനികളെ ഇസ്രായേൽ വധിച്ചതിന്റെ ദൃശ്യങ്ങൾ അൽ ജസീറ പ്രസിദ്ധീകരിച്ചു. ഐഡന്റിറ്റി സ്ഥിരീകരിക്കാത്ത നിരവധി മൃതദേഹങ്ങൾ സ്കൂളിൽ കൂട്ടിയിട്ടിരിക്കുന്നതായാണ് വീഡിയോയിൽ കാണിക്കുന്നത്. ഇസ്രായേൽ സൈന്യത്തിലെ അംഗങ്ങൾ ചോദ്യം ചെയ്യുന്നതിനിടയിൽ ഫീൽഡ് എക്സിക്യൂഷനുകൾക്ക് വിധേയരാക്കുകയായിരുന്നുവെന്നാണ് റിപ്പോർട്ട്.
'ഇസ്രായേൽ സൈന്യം സ്കൂളിനുള്ളിൽ പ്രവേശിച്ച് കുട്ടികൾ ഉൾപ്പെടെയുള്ള സാധാരണക്കാരെ ഒരു മുറിയിലേക്ക് കൊണ്ടുപോയി. അവിടെ വെച്ച് സൈന്ന്യം അവർക്ക് നേരെ വെടിയുതിർത്തു. അവർക്കിടയിലെ നവജാത ശിശുക്കൾക്ക് പോലും നേരെ വെടിയുതിർത്തു,' അൽ ജസീറയുടെ വീഡിയോയിലുണ്ടായിരുന്ന സ്ത്രീ പറഞ്ഞു.
ഗസയിലെ സ്കൂളുകളിലും ആശുപത്രികളിലും ഇസ്രായേൽ റെയ്ഡുകൾ ശക്തമാക്കിയതായാണ് റിപ്പോർട്ട്. സ്കൂളുകളിലും ആശുപത്രികളിലും അഭയം പ്രാപിച്ച ആളുകളെ ബലം പ്രയോഗിച്ച് ഒഴിപ്പിക്കുകയാണ്. ഗസയിലെ 90 ശതമാനം (2 ദശലക്ഷം ആളുകൾ) ഫലസ്തീനികളും കുടിയൊഴിപ്പിക്കപ്പെട്ടിരിക്കുന്നതായാണ് വിവരം.
അതേസമയം, ഗസ സിറ്റിയിലെ സലാ അൽ-ദിൻ സ്കൂളിൽ ഇസ്രായേൽ നടത്തിയ റെയ്ഡിൽ 50 ഫലസ്തീനികളെ കൊലപ്പെട്ടതായും റിപ്പോർട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F