August 28, 2023
August 28, 2023
പാരീസ്: ഫ്രാൻസിലെ സർക്കാർ വിദ്യാലയങ്ങളിൽ അബായ നിരോധിച്ചേക്കുമെന്ന് അൽജസീറ റിപ്പോർട്ട് ചെയ്തു. ക്ലാസ് മുറിയിൽ വിദ്യാർഥിയുടെ വേഷം നോക്കി മതം തിരിച്ചറിയാൻ പാടില്ലെന്ന് ഫ്രാൻസ് മന്ത്രി ഗബ്രിയേൽ അറ്റൽ ടിഎഫ് വൺ ടിവി ചാനലിനു നൽകിയ അഭിമുഖത്തിൽ പറഞ്ഞു.
ഹിജാബിനു നേരത്തെ നിരോധമുണ്ടെങ്കിലും അബായ പൂർണമായി നിരോധിച്ചിരുന്നില്ല. അതേസമയം, ചില വിഭാഗങ്ങൾ അബായക്കും ഹിജാബിനുമെതിരെ നേരത്തെ തന്നെ ഫ്രാൻസിൽ പ്രതിഷേധം ഉയർത്തിയിരുന്നു.മാസങ്ങൾ നീണ്ട ചർച്ചകൾക്കു ശേഷമാണ് ഫ്രഞ്ച് സ്കൂളുകളിൽ അബായ ധരിക്കുന്നത് നിരോധിക്കാനുള്ള തീരുമാനമുണ്ടായത്.
ഫ്രാൻസിൽ മുസ്ലിം ജനസംഖ്യ ഉയരുന്നതു കണക്കിലെടുത്ത് അധികൃതർ നിയന്ത്രണങ്ങളും ശക്തമാക്കി വരികയാണ്. വലിയ കുരിശുകളും ജൂത കിപ്പകളും മുസ്ലിം ഹിജാബും ഫ്രഞ്ച് സ്കൂളുകളിൽ അനുവദിക്കില്ല.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9