November 26, 2023
November 26, 2023
ഗസ: ഒക്ടോബര് 7 മുതല് ഗസയില് ഇസ്രയേല് ആരംഭിച്ച ആക്രമണത്തില് 66 മാധ്യമപ്രവര്ത്തകര് കൊല്ലപ്പെട്ടതായി ന്യൂസ് ഏജന്സിയായ അനഡോലു റിപ്പോര്ട്ട് ചെയ്തു. മരണപ്പെട്ടവരില് ആറ് വനിതാ മാധ്യമപ്രവര്ത്തകരും ഉള്പ്പെടുന്നതായി ഫലസ്തീന് മാധ്യമ സിന്ഡിക്കേറ്റ് പ്രസ്താവനയില് വ്യക്തമാക്കി. രണ്ട് മാധ്യമപ്രവര്ത്തകരെ ഇപ്പോഴും കാണാനില്ല. 31 പേരെ ഇസ്രയേല് സൈന്യം കസ്റ്റഡിയിലെടുത്തു. 11 പേര്ക്ക് പരിക്കേറ്റതായും റിപ്പോര്ട്ടുണ്ട്.
ഇസ്രയേല് - ഹമാസ് യുദ്ധം ആരംഭിച്ച ഒക്ടോബര് 7 ന് മാത്രം ആറ് മാധ്യമ പ്രവര്ത്തകരാണ് കൊല്ലപ്പെട്ടത്. ഏറ്റവും കൂടുതല് മാധ്യമ പ്രവര്ത്തകര് കൊല്ലപ്പെട്ടതും ഇതേ ദിവസമാണ്. നവംബര് 18ന് അഞ്ച് മാധ്യമപ്രവര്ത്തകരാണ് ഒരേ ദിവസം ഗസയില് കൊല്ലപ്പെട്ടത്.
അനിയന്ത്രിതമായ വ്യോമാക്രമണം, ആശയവിനിമയ സംവിധാനങ്ങള് തടസ്സപ്പെടുത്തല്, വൈദ്യുതി ഇല്ലായ്മ ഉള്പ്പെടെയുള്ള നിരവധി പ്രതിസന്ധികളും ആക്രമണം റിപ്പോര്ട്ട് ചെയ്യാനെത്തിയ മാധ്യമപ്രവര്ത്തകര് നേരിട്ടു. ഭീഷണികള്, സൈബര് ആക്രമണങ്ങള്, കുടുംബാംഗങ്ങളുടെ കൊലപാതകങ്ങളും സെന്സര്ഷിപ്പ് എന്നിവയും റിപ്പോര്ട്ടിംഗിനെത്തിയ മാധ്യമ പ്രവര്ത്തകര്ക്ക് നേരിടേണ്ടി വന്നു. മാധ്യമങ്ങളുടെ ഓഫീസുകള്ക്കും മാധ്യമപ്രവര്ത്തകരുടെ വീടുകള്ക്കും കേടുപാടുകള് വരുത്തിയതായും റിപ്പോര്ട്ടുണ്ട്.
ന്യൂസ്റൂം വാര്ത്തകളും തൊഴില് സംബന്ധമായ അറിയിപ്പുകളും മുടങ്ങാതെ ലഭിക്കാന് ഇതുവരെ ന്യൂസ്റൂം ഗ്രൂപ്പുകളില് അംഗങ്ങളല്ലാത്തവര് മാത്രം ജോയിന് ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F