September 24, 2023
September 24, 2023
ദോഹ: ഖത്തറിൽ വഞ്ചനാപരമായ പ്രവർത്തനങ്ങളിൽ ഏർപ്പെട്ട വിവിധ രാജ്യക്കാരായ 64 പേരെ സാമ്പത്തിക-സൈബർ കുറ്റകൃത്യ വിഭാഗം അറസ്റ്റ് ചെയ്തതായി ആഭ്യന്തര മന്ത്രാലയം അറിയിച്ചു. പ്രതികൾ കുറ്റം സമ്മതിച്ചിട്ടുണ്ടെന്നും അധികൃതർ പറഞ്ഞു.
നിക്ഷേപ കമ്പനികളായി ആൾമാറാട്ടം നടത്തുക, നിയമവിരുദ്ധമായി ഫണ്ട് ശേഖരിക്കുന്നതിനായി വ്യാജ ബിസിനസുകൾ സ്ഥാപിക്കുക, തുടങ്ങിയവയാണ് പ്രതികൾ ചെയ്ത കുറ്റങ്ങൾ. നാല് മില്യൺ ഖത്തർ റിയാലും, മറ്റ് വിദേശ കറൻസികളും, നിയമവിരുദ്ധ ആവശ്യങ്ങൾക്ക് ഉപയോഗിച്ച ഇലക്ട്രോണിക് ഉപകരണങ്ങളും അധികൃതർ കണ്ടെത്തിയിട്ടുണ്ട്. നിയമനടപടികൾക്ക് വേണ്ടി പ്രതികളെയും, പിടിച്ചെടുത്ത സാധനങ്ങളെയും പബ്ലിക് പ്രോസിക്യൂഷന് കൈമാറിയിട്ടുണ്ടെന്നും മന്ത്രാലയം വ്യക്തമാക്കി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/G3GYQhfaTLoDVK1Qr9fc5G