August 30, 2023
August 30, 2023
പാലക്കാട്: മണ്ണാര്‍ക്കാട് കോട്ടോപാടത്ത് കുളത്തില്‍ കുളിക്കാനിറങ്ങിയ മൂന്ന് സഹോദരിമാര്‍ മുങ്ങി മരിച്ചു. ഭീമനാട് പെരുങ്കുള സ്വദേശികളായ നിഷിത (26), റമീഷ(23), റിൻഷി (18) എന്നിവരാണ് മരിച്ചത്. ഇന്ന് (ബുധനാഴ്ച്ച) ഉച്ചയ്ക്ക് ഒന്നരയോടെയാണ് സംഭവം.
ആദ്യം ഒരാൾ വെള്ളത്തിൽ മുങ്ങിയപ്പോൾ രക്ഷിക്കാൻ ശ്രമിക്കുന്നതിനിടെയാണ് മറ്റു രണ്ടുപേരും അപകടത്തിൽ പെട്ടത്. നിലവിളി കേട്ട് ഓടിയെത്തിയ ഇതര സംസ്ഥാന തൊഴിലാളികളും നാട്ടുകാരും ചേർന്ന് ഉടനെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. നിഷിതയും റമീഷയും ഓണാവധിക്ക് വീട്ടിൽ എത്തിയതായിരുന്നു. മൃതദേഹം മണ്ണാർക്കാട് താലൂക്ക് ആശുപത്രിയിലേക്ക് മാറ്റി.
കുളത്തിൽ വസ്ത്രം അലക്കികൊണ്ടിരുന്ന പിതാവിന്റെ കൺമുന്നിൽ വെച്ചായിരുന്നു അപകടം നടന്നത്. അപകടം കണ്ട് അദ്ദേഹം നിലവിളിക്കാൻ പോലുമാവാതെ നിശബ്ദനായിപ്പോയെന്നും, ഇതര സംസ്ഥാന തൊഴിലാളിയാണ് നിലവിളിച്ച് ആളെക്കൂട്ടിയതെന്നും ദൃക്‌സാക്ഷി പറഞ്ഞു.
ന്യൂസ്‌റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്‌റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/7iFkiXrjqZbE8gsI6yASj9
