November 25, 2023
November 25, 2023
ഗസ: ഗസയില്‍ വെടിനിര്‍ത്തല്‍ പ്രഖ്യാപിച്ചതിന്റെ രണ്ടാം ദിവസമായ ഇന്ന് ഹമാസ് ബന്ദികളാക്കിയ 13 ഇസ്രയേലികളെ കൂടി വിട്ടയക്കും. പ്രദേശിക സമയം വൈകിട്ട് 4 മണിക്കാണ് തടവുകാരെ വിട്ടയയ്ക്കുക. ഗസ മുനമ്പില്‍ നിന്ന് മോചിപ്പിക്കപ്പെടുമെന്ന് പ്രതീക്ഷിക്കുന്നവരുടെ വിവരങ്ങള്‍ ലഭിച്ചതായി ഇസ്രയേല്‍ പ്രധാനമന്ത്രിയുടെ ഓഫീസ് സ്ഥിരീകരിച്ചതായും അത് ബന്ദികളാക്കപ്പെട്ടവരുടെ കുടുംബത്തെ അറിയിച്ചതായും അല്‍ ജസീറ റിപ്പോര്‍ട്ട് ചെയ്തു. കൂടാതെ, ഇസ്രായേലിൽ ബന്ദികളാക്കിയ 39 പലസ്തീനികളെയും വിട്ടയകുമെന്നും റിപ്പോർട്ടുണ്ട് .
ഗസയില്‍ നാല് ദിവസത്തെ വെടിനിര്‍ത്തല്‍ നിലവില്‍ വന്നതിന് പിന്നാലെ 39 ഫലസ്തീനികളും 13 ഇസ്രയേലികളുമാണ് ഇതുവരെ മോചിതരായത്.
അതേസമയം ഗസയിലെ അല്‍ ഷിഫ ആശുപത്രിയുടെ മേധാവിയെ ഇസ്രയേല്‍ തടവിലാക്കിയതില്‍ ലോകാരോഗ്യ സംഘടന ആശങ്ക പ്രകടിപ്പിച്ചു. അഞ്ച് ആരോഗ്യ പ്രവര്‍ത്തകര്‍ക്കൊപ്പം കഴിഞ്ഞ ബുധനാഴ്ചയാണ് ആശുപത്രി മേധാവിയെ ഇസ്രയേല്‍ തടവിലാക്കിയത്.
ന്യൂസ്‌റൂം വാര്‍ത്തകളും തൊഴില്‍ സംബന്ധമായ അറിയിപ്പുകളും മുടങ്ങാതെ ലഭിക്കാന്‍ ഇതുവരെ ന്യൂസ്‌റൂം ഗ്രൂപ്പുകളില്‍ അംഗങ്ങളല്ലാത്തവര്‍ മാത്രം ജോയിന്‍ ചെയ്യുക- https://chat.whatsapp.com/CIEQF0ymerI3E7Kl0Fortt
ന്യൂസ്‌റൂം വാട്സ്ആപ്പ് ചാനലിൽ ജോയിൻ ചെയ്യുക - https://whatsapp.com/channel/0029Va9k1sH3rZZiZHLfLm0F
