August 12, 2023
August 12, 2023
ന്യൂസ്റൂം ബ്യുറോ
യുണൈറ്റഡ് നേഷൻസ് : യെമനിൽ അൽ ഖായിദ (എ.ക്യു.എ.പി) തീവ്രവാദികൾ തട്ടിക്കൊണ്ടുപോയ അഞ്ച് യുഎൻ സുരക്ഷാ ഉദ്യോഗസ്ഥരെ വിട്ടയച്ചതായി ഐക്യരാഷ്ട്രസഭ വെള്ളിയാഴ്ച അറിയിച്ചു.
18 മാസം മുൻപ് 2022 ഫെബ്രുവരി 11നാണ് യെമനിലെ തെക്കൻ പ്രദേശമായ അബ്യാനിൽ നിന്ന് യു.എൻ സുരക്ഷാ. ജീവനക്കാരെ തീവ്രവാദികൾ തട്ടിക്കൊണ്ടുപോയത്. യെമനിൽ നിന്നുള്ള നാല് പേരും ബംഗ്ലാദേശിൽ നിന്നുള്ള ഒരാളുമാണ് യു.എൻ സംഘത്തിലുണ്ടായിരുന്നത്.
തിരിച്ചെത്തിയ എല്ലാ ഉദ്യോഗസ്ഥരും ആരോഗ്യവാന്മാരാണെന്നും, നല്ല മാനസികാവസ്ഥയിലാണെന്ന് യു.എൻ വെളിപ്പെടുത്തി.അതേസമയം, 18 മാസത്തെ ഒറ്റപ്പെടലിന്റെ വളരെ പ്രയാസകരമായ കാലഘട്ടത്തിലൂടെ അവർ കടന്നുപോയിട്ടുണ്ടെന്നും, യുഎൻ ഉദ്യോഗസ്ഥൻ ഡേവിഡ് ഗ്രെസ്ലി വ്യക്തമാക്കി. ഇത്തരം തീവ്രവാദസംഘങ്ങൾ ആഗോള സമാധാനത്തിന് ഭീഷണിയാണെന്നും അദ്ദേഹം മുന്നറിയിപ്പ് നൽകി.
ന്യൂസ്റൂം വാർത്തകളും തൊഴിൽ സംബന്ധമായ അറിയിപ്പുകളും മുടങ്ങാതെ ലഭിക്കാൻ ഇതുവരെ ന്യൂസ്റൂം ഗ്രൂപ്പുകളിൽ അംഗങ്ങളല്ലാത്തവർ മാത്രം ജോയിൻ ചെയ്യുക- https://chat.whatsapp.com/DoTp5mITouhJcwHKcDKLsm